LAJMI I FUNDIT:

Horoskopi javor për periudhën nga 19 – 26 shtator

Horoskopi javor për periudhën nga 19 – 26 shtator

Çfarë ju pret gjatë shtatë ditëve të ardhshme në punë dhe në dashuri, a do të kaloni mirë me familjarët, si do t’ju shërbejë shëndeti dhe a do të bëni investime

Lexoni horoskopin e përgatitur dhe shfrytëzojeni javën e cila është para jush në mënyrën më të mirë të mundshme, transmeton Telegrafi.

DASHI (21.03 – 20.04)

Puna: Peshoni mirë ngjarjet e ardhshme. Do të habiteni nga suksesi financiar i arritur përmes detyrave të kryera prej kohësh. Jini të rezervuar dhe të qetë kur përfshihen interesat tuaja. Së shpejti do të ngriheni në krye dhe do të jeni jashtëzakonisht të suksesshëm.

Dashuria: Mundohuni të jeni tolerantë ndaj mendimeve të partnerit. Edhe pse sugjerimet e tij mund të mos ju pëlqejnë, dëgjoni arsyet e tij dhe merrni një vendim së bashku. Së shpejti do të ndiheni më energjikë dhe plot dëshirë për lloje të ndryshme aktivitetesh. Mundohuni të jeni më të duruar me familjen dhe miqtë, shoqëria e të cilëve do të thotë shumë për ju gjatë kësaj periudhe. Dëgjojini ata, përkrahini me praninë tuaj; mos harroni se ata janë gjithmonë aty për ju. Një udhëtim me një partner do të jetë i suksesshëm nëse e planifikoni paraprakisht. Së shpejti do të vendosni t’i përkushtoheni më thellë vetes duke ndërtuar plane për një të ardhme më të sigurt. Deshët e lirë – tani është koha për të bërë ndryshime që do t’ju sjellin paqe në javët e ardhshme. Mos harroni të përfshini miqtë tuaj dhe të gjithë ata, shoqëria e të cilëve ju pëlqen në çdo veprim.

Shëndeti: Keni nevojë për një ndryshim ambienti dhe për t’u çlodhur larg detyrimeve dhe përditshmërisë dhe nuk ka pse të mos e siguroni këtë për veten tuaj. Ju jeni në gjendje të mirë shëndetësore.

DEMI (21.04. – 21.05.)

Puna: Do të zbuloni se mund ta ktheni papritur një projekt të dështuar në një të suksesshëm. Ndërtoni planet tuaja të reja. Analizoni me kujdes bisedat tuaja dhe ndërgjegjësohuni për problemet sepse duhet t’i zgjidhni ato në kohë. Përgatituni për vështirësitë që do të trajtohen lehtësisht nëse qëndroni të qetë dhe tregoni qëndrueshmëri mendore. Ndiqni zemrën tuaj dhe paratë dhe mundësitë do të ndjekin natyrshëm.

Dashuria: Dema të lirë – do të takoni një person që nuk do t’ju pëlqejë shumë në shikim të parë, por shumë shpejt do të ndryshoni mendje. Jepini vetes lirinë për t’u hapur ndaj aktiviteteve që nuk janë të pranueshme për ju – do të befasoheni këndshëm. Demat në lidhje – shtrirja aktuale planetare mund të krijojë një ndjenjë konflikti në marrëdhënien me partnerin. Tani është një kohë e shkëlqyeshme për të ngadalësuar ritmin dhe për të mos nxitur detaje që ai qartësisht nuk i pëlqejnë. Bëni gjërat që ju të dy pëlqeni. Meqenëse moti i ngrohtë po na lë dalëngadalë, përfitoni nga kjo periudhë për të gjitha llojet e udhëtimeve – së bashku vizitoni lokalitetin që keni dëshiruar gjithmonë. Ka sfida përpara jush që do t’ju ndihmojnë të gjeni një qasje të re për zgjidhjen e problemeve tuaja personale.

Shëndeti: Mund të përjetoni shqetësime të përkohshme lidhur me disa dobësi kronike ose status hormonal. Pushoni shumë dhe ushtroni – ecni për punë (nëse është e mundur).

BINJAKËT (22.05 – 21.06)

Puna: Ju keni aftësinë për të qenë i suksesshëm, ndaj mendoni nëse një mundësi e tillë është reale tani. Tani është koha për të realizuar planet tuaja dhe për t’u kujdesur për takimet e biznesit. Disa ndryshime mund t’ju pengojnë të përballeni me detyra sfiduese, pavarësisht besimit tuaj. Mbështetni një mik në qëllimin e tij për të filluar një biznes, por vetëm nëse jeni financiarisht i qëndrueshëm.

Dashuria: Ju mund ta gjeni veten në një humor të thellë dhe filozofik, duke ripërsëritur ngjarje dhe biseda të ndryshme pa pushim në mendjen tuaj për t’u përpjekur të arrini në thelbin e dilemës. Nëse jeni grindur me partnerin tuaj dhe jeni të dy shumë kryelartë, është e rrugës që ju të kërkoni falje së pari, jini ata që do të filloni një bisedë të hapur dhe të sinqertë me një ton të butë dhe dashamirës.
Partneri juaj do ta vlerësojë këtë dhe nuk ka dyshim se do të arrini një zgjidhje të përshtatshme. Jini të durueshëm në vend të presionit! Ju gjithashtu mund të dëgjoni sugjerimet e njerëzve tuaj të dashur që mund t’ju japin këshilla të mira. Binjakët e lirë – përveç punës dhe detyrimeve të tjera, sigurohuni që të gjeni kohë për një jetë shoqërore, të mbushur me kreativitet. Regjistrohu në një kurs ose në një grup tjetër, i cili do t’ju sjellë njohje të reja.

Shëndeti: Energjia bie në baza ditore – keni nevojë për më shumë gjumë. Bëni ndryshimet e nevojshme në rutinën tuaj të përditshme për të balancuar veten.

GAFORRJA (22.06 – 22.07)

Puna: E vetmja mënyrë për të qenë të suksesshëm është nëse tregoni se mund të përmbushni pritshmëritë e të tjerëve. Duhet të mbroni veten nga sipërmarrjet e rrezikshme për të shmangur humbjet financiare. Ndryshimi i planeve mund t’ju bëjë të ngarkoni veten me detyrime që nuk i prisnit aspak.

Dashuria: Impulsiviteti dhe nxitimi juaj mund t’ju kushtojë një marrëdhënie të qëndrueshme. Tregoni qetësinë dhe ekuilibrin e nevojshëm dhe lëreni partnerin tuaj të kuptojë se ai mund të mbështetet tek ju, dhe jo se ju jeni aty vetëm për ta kritikuar. Aspekti aktual planetar ngjall një humor të meditimit të thellë, i cili mund t’ju inkurajojë të mendoni për atë që dëshironi të ndodhë në jetën tuaj. Duhet guxim të jesh i sinqertë, i hapur dhe i prekshëm për të bërë të mundur ndryshimin. Gaforret e lira – zgjeroni mendimet tuaja dhe filloni të analizoni mundësinë e një drejtimi të ri. Kur jeni të hapur për sugjerime dhe mundësi të reja, ju jepni një shans njerëzve të rinj në jetën tuaj.

Shëndeti: Ndiheni mirë dhe plot energji edhe pse mund të kthehet në nervozizëm. Angazhohuni në aktivitete rekreacioni në natyrë, për ta përdorur atë tepricë në mënyrë të shëndetshme.

LUANI (23.07 – 22.08)

Puna: Mos lejoni që frika e dështimit t’ju kapërcejë gjatë kësaj periudhe. Për shkak se ju lëkundeni, planet tuaja ose do të pësojnë një korrigjim të madh, ose nuk do t’i arrini fare. Analizoni gjendjen tuaj financiare në detaje. Merruni me problemet që kërkojnë zgjidhje të menjëhershme.

Dashuria: Vëmendja për të cilën keni dëshirë fillon ta ‘mbysë’ partnerin, ndaj bëni kujdes të mos e teproni, sepse mund ta largoni atë nga ju. Përkushtojuni më shumë atij, flisni për nevojat dhe pritshmëritë e tij dhe situata do të ndryshojë shpejt për mirë. Përfshihuni në ngjarjet aktuale familjare; mos ji ai anëtari që shfaqet vetëm kur duhet dhe kur gjithçka ka mbaruar. Jini të durueshëm me ta dhe përpiquni të mos reagoni dhunshëm. Në këtë kohë, është e rëndësishme të përmbaheni nga marrja e vendimeve të rëndësishme për ndryshime afatgjata. Luanët e lirë – megjithëse miqtë këmbëngulin, mendoni nëse dëshironi të takoni njerëz të rinj tani. Jepini vetes kohë që të jeni mirë me veten në fillim, dhe më pas kur të ndjeni se jeni gati për një marrëdhënie të re – filloni të punoni për të.

Shëndeti: Duhet të relaksoheni dhe ta lini trurin tuaj të relaksohet – dalja në natyrë, e kombinuar me rekreacionin, është ideale për rivendosjen dhe rikthimin e energjisë.

VIRGJËRESHA (23.07 – 22.08)

Puna: Tregohuni të kujdesshëm në veprimet tuaja dhe do të arrini sukses të madh. Nëse e teproni me bujarinë, mund të perceptohet si keqdashje dhe xhelozi mes kolegëve. Hidhni një hap drejt realizimit të ideve tuaja që tashmë janë zhvilluar. Keni vendosur një objektiv që jeni të vendosur ta arrini me çdo kusht, por kini kujdes sepse mund t’ju rezultojë mbrapsht. Një mundësi e mirë financiare është e arritshme.

Dashuria: Dëshirat dhe ëndrrat tuaja nuk janë në përputhje me realitetin dhe do të çojnë në një humor pesimist dhe mungesë vullneti për të vepruar nëse vazhdoni t’i vlerësoni ato. Pret shumë nga partneri dhe kur ai nuk e përmbush, frustroheni, gjë që ndikon në marrëdhënien tuaj. Jini të qetë ose do t’ju duhet të përballeni me probleme që mund të zgjasin gjatë. Duke qenë korrekt në marrëdhëniet me të tjerët, do të shpëtoni nga telashet dhe do të fitoni më shumë besimin e tyre. Aspekti palnetar ju inkurajon të organizoni një udhëtim në një vend të bukur me partnerin. Virgjëreshat e lira – jini aktivë në shoqëri, por mos e teproni – zgjidhni me kujdes ata me të cilët mund të krijoni një marrëdhënie të qëndrueshme.

Shëndeti: Gjeni kohë për të pushuar në mbrëmje në mënyrë që të mos rrënoheni nga lodhja dhe sforcimi. Ndiheni mirë dhe të shëndetshëm, edhe pse në mbrëmje pas një dite pune mund të ndiheni të rraskapitur. Jepini vetes mjaftueshëm qetësi dhe relaksim.

PESHORJA (23.09 – 22.10)

Puna: Në këtë periudhë, të gjitha përpjekjet tuaja do të jenë të suksesshme nëse keni guximin t’i realizoni. Një kërkim i shtuar i suksesit material do t’ju sjellë një qëndrim armiqësor dhe probleme komunikimi. Detyrat tuaja janë të shumta, ndaj është mirë të planifikoni me mençuri.

Dashuria: Gjatë kësaj periudhe jeni të mbushur me durim dhe paqe, gjë që ndikon pozitivisht në marrëdhënien tuaj me partnerin. Rreshtimi planetar ofron një mundësi për të njohur veten në më shumë detaje dhe për të gjetur atë harmoni emocionale shumë të rëndësishme. Nga ana tjetër, mos u bëni agresiv nëse provokoheni nga një debat sepse të tjerët mund t’ju nxisin lehtësisht tani. Mos udhëtoni nëse nuk është urgjente. Ju kënaqeni me suksesin emocional, por është mirë të vlerësoni realisht situatën në të cilën ndodheni – ndoshta është koha të hidhni hapin tjetër me partnerin. Peshoret e lira – yjet kërkojnë të mos bini në tundimin e fillimit të lidhjeve të reja në nivel personal. Çdo gjë do të ndodhë vetvetiu kur të duhet.

Shëndeti: Jini të përgjegjshëm ndaj vetes dhe dëgjoni sinjalet e trupit dhe ndjenjat tuaja. Ju duhet rregull për të ruajtur ekuilibrin, transmeton Telegrafi.

AKREPI (23.10. – 22.11.)

Puna: Çështja e parave do të jetë një fokus i madh për ju. Vendosni një qëllim të qartë dhe konkret dhe afrojuni realizimit të tij. Mos ikni nga realiteti dhe mos i besoni informacioneve të paverifikuara. Yjet thonë se ka shumë mundësi që të prisni me padurim arritjet e ardhshme të ëndrrave tuaja.

Dashuria: Është e vështirë për ju të kontrolloni emocionet tuaja, të cilat ndryshojnë sipas partnerit tuaj – ndonjëherë dashuria lulëzon, ndonjëherë grindeni. Ju nuk mund ta merrni me mend se çfarë po mendon ai, kështu që thjesht do të duhet të ruani qetësinë dhe të prisni derisa të keni një perspektivë më të qartë. Deri atëherë, armatoseni me durim dhe kontrolloni emocionet tuaja, sepse lajmet e ngjarjeve të ardhshme të lumtura do t’ju bëjnë gjithashtu të lumtur. Ju keni para një udhëtim që do të krijojë një periudhë shumë të favorshme. Akrepat e lirë – shtrirja planetare sugjeron që ju duhet të punoni në prioritetet tuaja. Jini të guximshëm dhe kërkoni dashurinë tuaj për një takim – edhe nëse është miku juaj. Nuk është mirë të mos i shprehni emocionet, sepse në fund përfundon me një “shpërthim”.

Shëndeti: Jeni shumë aktivë dhe shpenzoni shumë energji, ndaj sigurojini vetes mbrëmje të qeta në shoqërinë e njerëzve të afërt, relaksim dhe argëtim.

SHIGJETARI (22.11 – 21.12)

Puna: Mos i mbivlerësoni pikat tuaja të forta që të mund të mbani prosperitetin në anën tuaj. Konfigurimi planetar i kësaj periudhe është një shenjë e ndryshimit krijues. Mos humbisni të përfitoni për vete. Prisni fitime të mëdha financiare.

Dashuria: Do ta ktheni partnerin në armik nëse nuk korrigjoni sjelljen tuaj. Jeni të zhurmshëm, të padurueshëm dhe impulsivë dhe detyroni zbatimin e një vendimi të madh, me të cilin partneri nuk është i kënaqur për momentin. Armatosuni me durim, flisni dhe prisni një moment më të favorshëm kur do t’i zbuloni dëshirat tuaja – butësisht dhe racionalisht. Shigjetarët e lirë – së shpejti mund të ndjeni nevojën për t’i shprehur ndjenjat tuaja të sinqerta atyre që i konsideroni të rëndësishëm. Së shpejti do të vendosni të përkushtoheni më shumë duke ndërtuar plane për një të ardhme më të sigurt.

Shëndeti: Çrregullimet e vogla – alergjitë, nervozizmi, pagjumësia – janë të natyrës kalimtare dhe do t’i përballoni lehtësisht. Bëni ndryshime konstruktive në rutinën tuaj të përditshme.

BRICJAPI (22.12 – 20.01)

Puna: Gjatë kësaj kohe, do t’ju duhet të përshtateni më shumë me anën tuaj intuitive për të korrur suksesin që kërkoni. Në takimet e reja, mos e humbisni mundësinë për të krijuar partneritete të dobishme. Përmbahuni nga shpenzimet impulsive dhe kujdesuni për buxhetin tuaj.

Dashuria: Mos iu nënshtroni emocioneve sepse rrezikoni të prishni marrëdhëniet me të njohurit dhe miqtë, e më pas edhe në shtëpi. Energjia e yjeve mund t’ju bëjë të veproni në mënyrë të paarsyeshme kur vërtet duhet të qetësoheni dhe të jeni të duruar. Partneri juaj është aty për ju dhe respektoni këtë, ia ktheni me mbështetje dhe butësi. Ky cikël do t’ju japë mundësinë të analizoni thellësisht sjelljen e njerëzve të afërt, gjë që do t’ju sjellë përfitime të mëdha. Bricjapët e lirë – situata juaj me të vërtetë nuk është aq e keqe, thjesht keni frikë të përballeni me të, kështu që vazhdoni me besim dhe gjithçka do të funksionojë vetë në fund. Miqtë tuaj janë kundër planeve që keni ndërmend të realizoni, por së shpejti do t’ju kuptojnë. Shmangni vetë-mashtrimin dhe mos e teproni.

Shëndeti: Një rënie e energjisë dhe ndjenja e lodhjes së vazhdueshme është e mundur. Më mirë të merreni me rekreacion (në natyrë) sesa ta lini veten të shtriheni në mënyrë pasive.

UJORI (21.01 – 18.02)

Puna: Aftësia juaj për të rrëshqitur dhe dalë nga situata me durim dhe lehtësi do të jetë bileta juaj e suksesit. Për të shmangur ligësinë e armiqve tuaj – mos i ndani qëllimet tuaja. Mos e lini veten të humbni para për shkak të sjelljes suaj të keqe.

Dashuria: Do të përballeni me problemet më të mëdha në marrëdhënien me partnerin vetëm nëse nuk jeni impulsivë. Vetëvlerësimi juaj është i lartë, jeni krenarë, gjë që ndonjëherë rrezikon marrëdhënien tuaj. Mundohuni të ulni pritshmëritë tuaja, sepse personi tjetër nuk i përjeton dhe kupton gjithçka njësoj si ju. Një mesazh nga universi – relaksohuni – nuk duhet të jeni në kontroll të gjithçkaje në mjedisin tuaj; le ta ndjekin rrugën e tyre. Energjia aktuale astrale ju inkurajon të mendoni për të ardhmen me partnerin tuaj, por pa presion, thjesht bëni një plan të përafërt. Ujorët e lirë – pranoni ftesat e miqve sepse tani është një kohë e mirë për argëtim dhe kënaqësi.

Shëndeti: Shtrirja planetare thekson daljen dhe lëvizjen. Keni nevojë për kënaqësi dhe qetësi shpirtërore – këto janë ilaçet që ju rikthejnë energjinë dhe rrisin besimin tuaj.

PESHQIT (21.01 – 18.02)

Puna: Harrojeni nxitimin nëse keni nevojë të filloni detyra të reja. Përqendrohuni më shumë tek vetja dhe sigurohuni që të mos neglizhoni rritjen tuaj personale dhe përfitimin financiar. Kjo është një periudhë e favorshme për ata në industrinë krijuese, të cilët merren me dizajn, fotografi, pikturë, shkrim.

Dashuria: Qetësia do të vijë së shpejti në marrëdhëniet me të dashurit, përdorni këtë për t’u kënaqur me dashurinë familjare. Mund të jeni mjaft të frustruar me partnerin, i cili ju ka lënë pas dore kohët e fundit. Mos iu shmangni bisedës, ku do t’i tregoni me dashamirësi gjithçka që ju shqetëson. Peshqit e lirë – në këtë cikël duhet të jeni të kujdesshëm kur merrni vendime të rëndësishme dhe ndryshime të nxituara. Do të kënaqeni me analizën psikologjike të dikujt nga mjedisi juaj, të cilin keni filluar ta vëzhgoni me sy të ndryshëm. Mos harroni se jeta duhet të ndryshojë dhe transformohet vazhdimisht për të qëndruar e freskët dhe interesante.

Shëndeti: Jini të përgjegjshëm për veten, korrigjoni zakonet e këqija, veçanërisht nëse ato lidhen me ritmin e përditshëm të gjumit dhe aktiviteteve. Shmangni veset. /Telegrafi/

Në trend Stil

Më shumë
Sorrat janë në gjendje të mbajnë mëri dhe të kujtojnë fytyrën tënde nëse sillesh keq me to

Sorrat janë në gjendje të mbajnë mëri dhe të kujtojnë fytyrën tënde nëse sillesh keq me to

Libri i madh i kafshëve
Përse shumica qëndrojnë të martuar edhe pse nuk janë të lumtur – dhe nuk dashurohen

Përse shumica qëndrojnë të martuar edhe pse nuk janë të lumtur – dhe nuk dashurohen

Lifestyle
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Tri shprehje të njerëzve me inteligjencë të lartë emocionale

Tri shprehje të njerëzve me inteligjencë të lartë emocionale

Lifestyle
Pse hajdutët vendosin një biskotë tek hyrja e banesës tuaj, e vërteta e frikshme që duhet ta dini

Pse hajdutët vendosin një biskotë tek hyrja e banesës tuaj, e vërteta e frikshme që duhet ta dini

Stil
Nëse ju ndodh kjo situatë në hotel, kërkoni ta ndërroni menjëherë dhomën të cilën e keni rezervuar

Nëse ju ndodh kjo situatë në hotel, kërkoni ta ndërroni menjëherë dhomën të cilën e keni rezervuar

Stil
Kalo në kategori