Ambasadori i SHBA-së në Beograd, Christopher Hill, tha se mezi pret që ta shoh Kosovën si pjesë të nismës Ballkani i Hapur, të cilën e ka vlerësuar si një nismë të krijuar nga vetë vendet e Ballkanit.
Ai tha se Ballkani i Hapur është një nismë gjithëpërfshirëse dhe porosit të gjitha vendet që, siç tha, të luajnë rolin e tyre në këtë nismë.
Ambasadori Hill tha se SHBA-ja e mbështet dialogun ndërmjet Kosovës dhe Serbisë të ndërmjetësuar nga Bashkimi Evropian, por theksoi faktin se Ballkani i Hapur është një nismë që përfshinë edhe fushat tjera jo vetëm ato politike.
“Mezi pres ta shoh Kosovën pjesë të Ballkanit të hapur. Eshtë një nismë e mirë këtu në Ballkan, dhe mezi pres ta shoh edhe Kosovën pjesë të ngjarjeve të tilla në të ardhmen. E shoh më shumë si një nismë ekonomike, por ndoshta edhe kulturore. Ideja është që njerëzit kanë shumë të përbashkëta dhe duhet të sigurohen që kufijtë e gjëra si këto, më shumë i bashkojmë sesa që i ndajnë”, tha ambasadori, Christopher Hill, për RTV21, gjatë një Panairi të Verës të Ballkanit të Hapur të mbajtur në Boegrad.
Ai tha se Ballkanin e Hapur e sheh si një mënyrë për të krijuar modele bashkëpunimi.
“Nuk dua flas për fituesit apo humbësit. Dua të flas për Ballkanin e Hapur si një mundësi e mirë që njerëzit t’i njohin fqinjët e tyre dhe t’i tejkalojnë problemet pa ndërhyrje nga jashtë. E konsideroj Ballkanin e Hapur si një mënyrë për të krijuar modele bashkëpunimi dhe për të siguruar që vendet e Ballkanit të njihen më mirë mes vete, sepse të gjitha këto vende synojnë anëtarësimin në BE. Mendoj që të gjitha këto vende do të kenë sukses në këtë rrugë, por ato që do të krijojnë fqinjësi më të mirë, do të kenë sukses të parat”, tha ai.
Hill u shpreh se mbështesin dialogun Kosovë-Serbi.
“Ballkani i Hapur është iniciativë e krijuar nga vetë vendet brenda Ballkanit, është i hapur dhe gjithëpërfshirës dhe do t’u thosha të gjithëve që të luajnë rolin e tyre në këtë iniciativë. Sigurisht e mbështesim dialogun Kosovë Serbi të ndërmjetësuar nga Bashkimi Evropian, por Ballkani i Hapur është një nismë që përfshinë edhe fushat tjera jo vetëm atë politike. Kështu që mendoj se të gjitha vendet duhet ta tejkalon mosbesimin, t’i tejkalojnë problemet dhe të kuptojnë se kemi të bëjmë me një botë shumë të integruar. Dhe Ballkani i Hapur është nisma më e mirë për të filluar”, tha Hill.
Nisma Ballkani i Hapur është vazhdimësi e Mini-Shengenit ballkanik, prezantuar në Novi Sad të Serbisë më 10 tetor të vitit 2019, nga liderët e Serbisë, Maqedonisë së Veriut dhe Shqipërisë.
Kosova, Bosnjë e Hercegovina dhe Mali i Zi nuk janë pjesë e saj. /RTV21/
Promo
Reklamo këtuLufta Prigozhin - Putin
Më shumëKurti i ftoi liderët e opozitës në darkë pune, i përgjigjet Abdixhiku: Jeni vonë
Vdekja e dy ukrainaseve në Tiranë, zbardhet dëshmia e shoqes
Aurora – fenomeni i rrallë natyror ndriçoi edhe qiellin e Kosovës
Presidentja me foto simbolike nga vizita në Teksas
Kurti i ftoi në një darkë pune për të hënën, a do t'i shkojnë në takim krerët e PDK-së, LDK-së e AAK-së?
A do të ketë dënime për ata që nuk regjistrohen - çfarë thonë nga ASK-ja?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë