Hekuran Kryeziu është shprehur shumë i lumtur me lojën që ka treguar Kosova në kualifikimet për Euro 2020.

Mesfushori i Përfaqësueses tonë ka deklaruar se ai është duke u rikuperuar nga lëndimi, por që shpreson që në marsin e vitit të ardhshëm ta arrijnë kualifikimin në Kampionatin Evropian përmes Ligës së Kombeve.

“Jam shumë i kënaqur me paraqitjen që kemi bërë në këto kualifikuese dhe kemi zhvilluar ndeshje të mira”, ka thënë Kryeziu.

“Ndeshjen ndaj Anglisë do ta shikoj pa stres, pasi nuk arritëm të kualifikoheshim, mirëpo që duhet të tregojë një ndeshje të mirë”.

Arbër Zeneli: Do jem i gatshëm për ndeshjen ndaj Maqedonisë së Veriut në Ligën e Kombeve Arbër Zeneli: Do jem i gatshëm për ndeshjen ndaj Maqedonisë së Veriut në Ligën e Kombeve

“Në mars besoj që do të jemi gati, por që duhet të presim edhe disa lojtarë që të rikthehet në skuadër nga lëndimet”, ka shtuar më tej mesfushori i ‘Dardanëve’.

Kosova do të përballet në mars me Maqedoninë e Veriut në mars të vitit 2020 dhe nëse arrin ta kalojë këtë pengesë, atëherë do të pres fituesin e ballafaqimit Gjeorgji – Bjellorusi. /Telegrafi/