Ministrja e Drejtësisë, Albulena Haxhiu, pas shqyrtimit të kërkesës së Odës së Përmbaruesve të Kosovës, ka nxjerrë disa udhëzime përmes së cilave janë propozuar disa masa vepruese për Profesionet e Lira në Kosovë, në lidhje me situatën pandemike të krijuar nga virusi Covid-19.
Ministrja Haxhiu, ka udhëzuar që zyrat e përmbaruesve të shqyrtojnë mundësinë për lehtësimin e pagesave nga llogarit aktualisht të bllokuara të debitorëve-llogaritë e pensioneve dhe pagave.
Po ashtu është udhëzuar që zyrat e përmbaruesve, noterëve dhe profesionet e tjera të lira ligjore të zvogëlojnë aktivitete, kontaktet me palët, ndërsa zyrat e noterëve të anulojnë seancat e trashëgimisë, shitblerjeve, ose çfarëdo veprimi tjetër që ndihmon në zvogëlimin e numrit të personave që mblidhen në një ambient të caktuar.
Udhëzimet e nxjerra nga Ministrja Haxhiu janë si në vijim:
1. Udhëzohen zyrat e përmbaruesve, noterëve, dhe profesioneve tjera të lira ligjore që, brenda mundësive ligjore dhe në pajtim me situatën faktike, për aq sa këto udhëzime janë të zbatueshme në punën e tyre, mundësisht t’i zvogëlojnë aktivitetet e zyrave të tyre dhe t’i zvogëlojnë kontaktet me palë, përveç punëve të domosdoshme dhe jetike që duhet të kryhen nga zyrat e tyre;
2. Udhëzohen zyrat e përmbaruesve që, brenda mundësive ligjore dhe në pajtim me situatën faktike, mundësisht t’i anulojnë ankandet e caktuara, t’i anulojnë veprimet përmbarimore në terren, dhe t’i anulojnë seancat e caktuara eventuale;
3. Udhëzohen zyrat e përmbaruesve që, brenda mundësive ligjore dhe në pajtim me situatën faktike, të shqyrtohen mundësitë për lehtësimin e pagesave nga llogaritë aktualisht të bllokuara të debitorëve – llogaritë e pensioneve dhe pagave – (përmes zhbllokimit të përkohshëm të llogarive, zvogëlimit të kësteve mujore, ose veprime tjera të ngjashme që sadopak ju ndihmojnë qytetarëve të Republikës së Kosovës për tejkalimin sa më të lehtë të kësaj situate);
4. Udhëzohen zyrat e noterëve që, brenda mundësive ligjore dhe në pajtim me situatën faktike, të anulohen seancat e trashëgimisë, shitblerjeve, ose çfarëdo veprimi tjetër që ndihmon në zvogëlimin e numrit të personave që mblidhen në një ambient të caktuar;
5. Këto Udhëzime do të jetë në fuqi për aq kohë sa vlerësohet e nevojshme ose deri në ndryshime eventuale të rrethanave faktike apo situatës së përgjithshme;
6. Këto Udhëzime në asnjë rrethanë nuk synojnë ta cenojnë pavarësinë ligjore dhe profesionale të përmbaruesve, noterëve, ose profesioneve tjera të lira, por kanë për qëllim të udhëzojnë për veprime të duhura në situatën aktuale. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Maltretimi i kosovarëve në Serbi, eurodeputetja holandeze i reagon Vuçiqit
Toshkovski: Ehe përkundër faktit se ka një numër të vogël të policëve gjendja e sigurisë në Kërçovë është stabile
Jakim Nedellkov, Shaqirit: Tërhiqe menjëherë njoftimin për t’u kompensuar 24 prilli dhe 8 maji
Ndalimi i policëve të Kosovës, DASH: Serbia po bën veprime përshkallëzuese
Brnabiq arsyeton arrestimin e zv.drejtorit Jankoviq, reagon Surroi: Ndërhyrje në identitetin e serbëve të Kosovës
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Qeveria e RMV-së vendosi: 24 prilli dhe 8 maji ditë jo pune për të gjithë qytetarët
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Pa marrëveshje për dinarin, Bislimi: Ishte takim i kotë, Serbia e painteresuar për marrëveshje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin