Vendimet e Gjykatës Kushtetuese janë ndikuar nga shumë akterë nga jashtë për interesa të ndryshme. Kështu u shpreh ish kryetari i Gjykatës Kushtetuese, Enver Hasani në “Rubikon” të KTV-së.
“Të gjitha janë kështu siç po i them unë, te tjerat janë gënjeshtra. Prokuroria po gënjen 1 milion për qind”, ka thënë ai, teksa ka folur për aktakuzën se ka falsifikuar nënshkrimin e një gjyqtari në Gjykatën Kushtetuese, për të cilën ka thënë se nuk mund të jetë e qenë, transmeton Koha.net.
Ai tha se secili vendim në Gjykatë Kushtetuese nënshkruhet vetëm nga personat kompetent dhe çdo gjë tjetër është përrallë.
“Të thuash që është falsifikuar nënshkrimi në Gjykatë Kushtetuese është absurde, nuk ka kuptim”, ka thënë Hasani duke shtuar se atë nënshkrim e bëri në mënyrë elektronike, duke shtuar se se për secilën seancë ekziston transkripti dhe të gjitha janë të publikuara.
“Jam ftuar në seancë por më është thënë që nuk ke të drejtë të votosh. Nuk mund të jesh prezent dhe mos me votu sepse nuk ekziston diçka e tillë”, ka thënë Hasani.
Sipas Hasanit, e gjithë ngjarja është hakmarrje dhe komplot kundër tij. “Kurrë hetime ma herët ndaj meje nuk ka pasë, para 15 prillit nuk ka pasë. Janë sistem i 4-5 vetëve kundër meje”, ka thënë Hasani.
Ndërsa, për rastin e kontratave në kohën kur Hasani ishte rektor i Universitetit të Prishtinës, ka thënë se nuk është marrë fare pasi një gjë e tillë nuk ishte në kompetencën e rektorit.
Rastet për të cilat akuzohet Hasani janë komplote personale e, që sipas tij, vijnë nga prokurori i shtetit, Aleksandër Lumezi.
“Fakti kryesor është që hetimet për të dy rastet ndaj meje kanë filluar në ditën e njëjtë”, ka thënë ai.
Nuk mund të jetë koincidencë që hetimet për të dy rastet kanë filluar në të njëjtën kohë ka thënë Hasani, përderisa potencoi se kjo nuk do t’i dukej njëjtë nëse rasti njëjtë do vinte nga Eulexi.
Ndërsa për kryeprokurorin Lumezi, të cilin e lidh me aktakuzat që i janë ngritur ndaj tij, Hasani ka thënë se ai është i dyshuar për tentim vrasje dhe krim të organizuar.
“E ka thënë prokurori finlandez i EULEX-it, Aleksandër Lumezi është i dyshuar për krim të organizuar dhe tentim vrasje”, ka thënë Hasani duke shtuar se kjo ishte deklaratë publike.
Promo
Reklamo këtuLufta Prigozhin - Putin
Më shumëNga Rubrika
Mitsotakis: Politikat e udhëheqësisë së re në RMV janë provokative dhe joligjore
U ndalua për vjedhje në Graçanicë dhe Uglarë – Prokuroria kërkon paraburgimin për të dyshuarin
Aksident i rëndë në Vushtrri, lëndohet një person – krijohen edhe kolona të gjata
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251