Producenti i filmave, Harvey Weinstein është shtruar në spital pas dhimbjeve në gjoks disa orë pasi mori një dënim 23-vjeçar për sulme seksuale dhe përdhunime.

Weinstein, 67 vjeç, u dënua të mërkurën në gjykatën kriminale në Manhattan pas dënimeve të tij muajin e kaluar për kryerjen me forcë të seksit oral me asistenten e produksionit, Mimi Haleyi në vitin 2006 dhe dhunimit seksual ndaj Jessica Mann në vitin 2013.

Ai u dënua me 23 vjet burg për krime seksuale në një çështje historike të quajtur #MeToo që përfundoi me gjashtë nga akuzueset e tij, të cilat dëshmuan në ditën e gjykimit, shkruan DailyMail.

Sipas NBC News, i sapo dënuari është dërguar në Spitalin Bellevue brenda disa orësh nga dënimi i tij pasi filloi të kishte dhimbje në gjoks.

Ai më parë kaloi disa ditë në spital pas diagnostikimit me sëmundje të ndryshme.

Gjithçka që ndodhi në Gjykimin e Harvey Weinstein Gjithçka që ndodhi në Gjykimin e Harvey Weinstein

Avokatja e Weinstein, Donna Rotunno ka sugjeruar që ai tani do të vdesë në burg, duke shtuar se ai ‘nuk do ta shohë dritën e ditës’ pas dënimit të tij.

Avokatja e Weinstein, Donna Rotunno (Foto: Roy Rochlin/Getty Images/Guliver)

Prodhuesi i turpëruar fillimisht u soll në burgun e Rikers Island pas dënimit, por që atëherë është transferuar në Spitalin Bellevue.

“Harvey kishte dhimbje të gjoksit dhe stafi i Rikers vendosi që për shkaqe sigurie ta dërgonte përsëri në Bellevue tani. Ai do të kurohet dhe ka të ngjarë ta kalojë natën në spital. Ne e vlerësojmë kujdesin dhe shqetësimin e zyrtarëve dhe stafit të Departamentit të Korrigjimeve”, tha zëdhënësi i tij Juda Engelmayer.

Dikur një nga prodhuesit më me ndikim në Hollywood, Weinstein ishte përballur me mundësinë e një dënimi maksimal prej 29 vitesh burg.

Weinstein, i cili është në gjendje të dobët shëndetësore dhe nuk do të ketë të drejtën e lirimit me kusht për 20 vjet, u dënua të mërkurën me 20 vjet me akuzën e aktit seksual për kryerjen me forcë të seksit oral me asistenten Mimi Haleyi në vitin 2006.

Ai u dënua gjithashtu me tri vjet plus për përdhunim të shkallës së tretë për sulmin ndaj Jessica Mann në vitin 2013. Ekipi i tij i mbrojtjes e kundërshtoi dënimin, duke e quajtur si ‘të padrejtë’ dhe tashmë premtoi se do të apelonte.

Avokatja e mbrojtjes së Weinstein, Donna Rotunno përplasi gjyqtarin dhe jurinë jashtë gjykatës, duke thënë se gjyqi ishte krejtësisht i padrejtë.

Rotunno, tha se dënimi ishte ‘shumë i ashpër’.

E pyetur në lidhje me ndikimin e fushatës #MeToo, avokatja Rotunno tha: “Kjo nuk thotë asgjë për mua në lidhje me lëvizjen #MeToo përveç gjykatësit që ndjeu një lloj presioni”.

Duke folur në raportet e Bill Hemmer në Fox News të mërkurën në mbrëmje, Rotunno shtoi se Weinstein ‘nuk do ta shohë dritën e ditës’ dhe ka të ngjarë të vdesë në burg.

“Unë mendoj se numri i viteve të dënimit është shumë i madh”, tha Rotunno Hemmer.

Të mërkurën prokurorët në Los Angeles njoftuan gjithashtu se ata kanë filluar procesin e ekstradimit për të sjellë Harvey Weinstein në Kaliforni, tha Zyra e Prokurorit të Qarkut në Los Angeles.

Prokurorët në Los Angeles ngritën akuza për sulm seksual kundër Weinstein në janar dhe tani kanë filluar procesin e ekstradimit të tij nga New Yorku në juridiksionin e tyre.

Një zëdhënës i LADA tha: “Zyra e Prokurorit të Qarkut në Los Angeles County ka filluar procesin e ekstradimit të të pandehurit Weinstein në Kaliforni për t’u përballur me akuzat e sulmit seksual që u ngritën në janar”.

“Asnjë datë nuk është caktuar. Pasi të jetë caktuar një datë, zyra jonë do të njoftojë publikun”, tha zëdhënësi.

Harvey Weinstein (Foto: Spencer Platt/Getty Images/Guliver)

Avokatja Rotunno pohoi se ajo nuk mund të shohë ‘sa vërtet ka rëndësi Kalifornia’, duke marrë parasysh dënimin 23-vjeçar që Weinstein mori të mërkurën dhe shëndetin e tij të pakësuar.

Weinstein përdori një karrocë ndihmëse gjatë gjithë gjyqit të tij dhe mbërriti në sallën e gjyqit të mërkurën me karrocë për shkak të problemeve të shpinës nga një aksident automobilistik verën e kaluar.

Atij javën e kaluar i ishte vendosur një stendë nga mjekët, për të zhbllokuar një arterie.

Harvey Weinstein arriti me karrocë ndihmëse në gjykimin e tij (Foto: Spencer Platt/Getty Images/Guliver)

Pas dënimit, Weinstein u vu menjëherë nën kujdestarinë e Departamentit të Korrektimeve dhe Mbikëqyrjes së Komunitetit të Shtetit në New York. Ai duhej të transferohej nga sistemi i burgjeve të qytetit në sistemin e burgjeve të shtetit, por tani është rikthyer në spital.

Harvey Weinstein nuk u kërkoi falje viktimave të tij, por tha se ndjeu pendim për burrat dhe gratë pjesëmarrës në fushatën #MeToo para se të dënohej me 23 vjet burg për krime seksuale në një çështje historike.

Gjykatësi James Burke, i cili mbikëqyri gjykimin e tij, urdhëroi Weinstein të vuante dënimet me radhë dhe e dënoi me pesë vjet mbikëqyrje pas lirimit për secilën akuzë.

“Megjithëse kjo është një dënim i parë, kjo nuk është një vepër e parë”, tha gjykatësi para se të zbulojë dënimin me burg. Weinstein në atë moment mbajti një fytyrë të zbehur dhe nuk reagoi dukshëm. /Telegrafi/

Harvey Weinstein (Foto: Scott Heins/Getty Images/Guliver)