Haradinaj në takim me kryeministrat e rajonit para fillimit të Samitit të Ballkanit Perëndimor në Poznan

Para fillimit të sesionit plenar të Samitit të Ballkanit Perëndimor në Poznan, kryeministrat e vendeve të rajonit mëngjesin e sotëm kanë pasur një bashkëbisedim.

Në këtë Samit po merr pjesë edhe kryeministrit i Kosovës, Ramush Haradinaj, i cili në një fotografi të postuar në llogarinë e tij në Facebook shihet bashkë me kryeministrin shqiptar Edi Rama, atë tëi Maqedonisë Veriore, Zoran Zaev dhe atë të Malit të Zi, Dushko Markoviq.

“Para fillimit të sesionit plenar të Samitit të Ballkanit Perëndimor në Poznan, në bashkëbisedim me Kryeministrat e rajonit”, ka shkruar në Facebook Haradinaj.

Haradinaj, gjatë sesionit plenar, do të mbajë edhe një fjalim ku të do paraqes rëndësinë që ka ky samit për Kosovën, por edhe për të ardhmen e Evropës, për prosperitetin e përbashkët rajonal.

Ndryshe Samiti i Ballkanit Perëndimor në Poznan rrjedh nga Procesi i Berlinit. Në këtë samit do të diskutohet për çështjet e rëndësishme të Ballkanit Perëndimor, planet për të ardhmen dhe bashkëpunimin rajonal./Telegrafi/