Kryeministri i Kosovës, Ramush Haradinaj, ka folur për ndalimin e hyrjes në Serbi të ekipit përfaqësues të Kosovës në karate.

Sot në mëngjes ekspedita e Kosovës është ndaluar në Merdar, ku me urdhër të Ministrisë së Punëve të Brendshme të Serbisë, janë kthyer prapa.

Sipas Haradinajt ndalesa tregon se autoritet serbe nuk janë duke punuar në rregullimin e marrëdhënieve mes palëve.

“Ndalimi i Kombëtares së Kosovës nga autoritetet e Serbisë, për të marrë pjesë në Kampionatin Europian të Karatesë në Novi Sad të Vojvodinës, është akt i papranueshëm që nuk i kontribuon normalizimit të marrëdhënieve ndërmjet dy shteteve tona”.

Përfaqësuesja e Kosovës në karate nuk lejohet të futet në Serbi, policia i kthen në Merdare Përfaqësuesja e Kosovës në karate nuk lejohet të futet në Serbi, policia i kthen në Merdare

“Autoritetet serbe janë njoftuar më kohë nga Komiteti Olimpik i Kosovës për këtë udhëtim dhe pretendimi se ato nuk janë informuar me kohë është i paqëndrueshëm”.

“Këtë akt ndalese të shtetit serb, të dytin më radhë brenda një kohe të shkurtë, e konsiderojmë si veprim që sinjalizon se Serbia po qëndron në politikat nacionaliste të konfliktit dhe refuzimit në vend të bashkëpunimit”, ka shkruar Haradinaj.

Kohë më aprë edhe ekipit pëfaqësues të Kosovës në hendboll për femra nuk iu lejua pjesëmarrja. /Telegrafi/