Trajneri i Manchester Cityt, Pep Guardiola thuhet se po planifikon një lëvizje për sulmuesin suedez të Real Sociedad, Alexander Isak.

Sulmuesi suedez, 21 vjeç, po shijon një sezon të rëndësishëm në La Liga, me 12 gola në kampionatin spanjoll këtë sezon.

Kjo përfshin 10 në nëntë ndeshjet e tij të fundit – një serie e cila ka nxitur interes të madh nga i gjithë kontinenti.

Top 50 sulmuesit më të vlefshëm në botë nën moshën 23-vjeçare Top 50 sulmuesit më të vlefshëm në botë nën moshën 23-vjeçare

Sociedad pagoi gjashtë milionë funte te Borussia Dortmund për të marrë Isakun në vitin 2019, por ai tani vlerësohet me rreth 10 herë më shumë se shifra e paguar.

Dortmund thuhet që ka një marrëveshje për ta rikthyer lojtarin në fund të çdo sezoni për rreth 25 milionë funte, por Isak ka thënë se ai nuk dëshiron të kthehet në klubin nga Bundesliga.

Sipas mediumit The Mirror, City po mban vëmendje për përparimin e tij dhe, nëse vendosin të bëjnë një lëvizje këtë verë, ata ka të ngjarë të ofrojnë para dhe një lojtar për suedezin.

Sulmuesi thuhet se preferohet shumë nga trajneri Guardiola, pasi ka aftësi të luajë mirë edhe me këmbë përkundër gjatësisë së tij. /Telegrafi/