Pep Guardiola është drejt rrugës së tij për të thyer të gjitha rekordet që janë vendosur si trajner, pasi ka fituar trofeun e 27-të në karrierë këtë sezon duke fituar titullin e Ligës Premier me Manchester Cityn, ndërsa i pari ishte me Barcelonën në sezonin 2008/09.

Titulli i 27-të në karrierë e ka vendosur tashmë trajnerin e njohur spanjoll si të katërtin më të trofeshëm në histori.

Të gjitha lajmet rreth Pep Guardiolas Të gjitha lajmet rreth Pep Guardiolas

Vetëm Sir Alex Ferguson me 48 trofe, Mircea Lucescu me 32 dhe Valeriy Lobanovskyi 29 janë përpara tij.

Me ritmin e tij aktual prej 2.7 titujsh në sezon, ai ka nevojë vetëm për tetë sezone të tjera për të thyer rekordin e Fergusonit.

Lista e trajnerëve më të trofeshëm (Foto: Marca.com)

Një karrierë e gjatë duket sikur do të garantojë që ai të bëhet më i trofeshmi i të gjitha kohërave, por ai nuk ka plane për të vazhduar aq kohë sa ish-trajneri i Unitedit:

“Unë nuk do të stërvit skuadra në moshën 60 ose 65-vjeçare”, ka thënë Guardiola për NBC më parë.

Askush nuk ka më shumë trofe se Sir Alex Ferguson, 48 trofe në 38 sezone si trajneri.

Ferguson e nisi karrierën duke fituar shumë trofe në Skoci, ndërsa te Unitedi ‘pushtoi’ gjithçka me 13 titujt e tij të Ligës Premier, por edhe shumë trofe tjerë shtetëror dhe evropian.

Lucescu me 32 trofe është gjithashtu mbresëlënëse dhe në moshën 73-vjeçare, ai nuk tregon asnjë shenjë të daljes në pension duke marrë përgjegjësinë e 14 klubeve deri tani.

Lobanovskyi , ndërkohë, vdiq në majin e vitit 2002 në moshën 63-vjeçare, ndërsa deri në atë kohë ai koleksionojë 29 trofe.

Por, Guardiola ende shpreson të tejkalojë ato madhështi mbi të, madje edhe t’i kalojë ata. Fillimi i tij në Barcelonë ishte fenomenal, duke fituar gjashtë trofe në sezonin e tij të parë dhe duke u larguar nga Camp Nou pasi kishte fituar 14 trofe.

Suksesi e ka ndjekur edhe në Bayern Munich dhe Manchester City, duke fituar tri tituj të Bundesliga, dy DFB-Pokal, një Superkupë Evropiane dhe një Kupë Klubi në Bavari, ndërkohë që ai tashmë ka fituar dy Liga Premier, një FA Cup, dy Carabao Cup dhe një Community Shield. /Telegrafi/