Tre persona kanë hyrë në terminalin e aeroportit “Nënë Tereza” në Tiranë dhe kanë kryer një grabitje.
Nga burime paraprake mësohet se, grabitësit kanë qenë të maskuar dhe të armatosur dhe përmes kërcënimit, kanë mundur të marrin një sasi të madhe parash. Pasi kanë kryer grabitjen, 3 të rinjtë janë larguar duke djegur dhe automjetin e tyre pranë urës së Tapizës.
Tre grabitësit kanë arritur të marrin thasët më para në momentin që po bëhej transferimi i tyre nga automjeti i sigurisë për në aeroplan. Dyshohet se bëhet fjalë për një shumë të konsiderueshme që do të eksportohej jashtë vendit nga kompani që operojnë në sektorin bankar.
Miliona euro të grabitura
Policia e Tiranës sqaroi se rrethimi i jashtëm sigurohet nga shërbimi i sigurisë së kompanisë private që menaxhon aeroportin. Pasi kanë hyrë në makinë në pistën e avionëve në aeroport, autorët i janë drejtuar me një armë kallashnikov drejtuesit të mjetit që transportonte një sasi të konsiderueshme prej miliona eurosh.
Nën kërcënimin e armëve kanë grabitur çantat me para që peshonin rreth 8 kg. Policia nuk jep një shifër të saktë të shumës së vjedhur, por vlerëson se është e konsiderueshme. Ndërsa sipas burimeve, llogaritë janë me miliona euro.
Forca të shumta të policisë janë vënë në ndjekje të autorëve të ngjarjes, ndërsa dy grupe të Forcave të Ndërhyrjes së Shpejtë dhe RENEA-s janë në vendngjarje. Autorët e grabitjes janë shpallur në kërkim, ndërkohë që uniformat blu po monitorojnë nga ajri për të kapur dy personat. Policia e Tiranës njofton se rruga drejt aeroportit është bllokuar.
Grabitja vjen një ditë pasi u njoftua së në aeroportin e Rinasit janë përforcuar kontrollet në kuadër të masave të marra kundër terrorizmit, pas sulmit të trefishtë në Stamboll, ku u vranë mbi 40 persona.
Grabitja është filmuar nga kamerat e sigurisë
Grabitja në aeroportin e Rinasit është filmuar nga dy kamera sigurie të cilat janë sekuestruar dhe po shihen. Mësohet se kamerat kanë fiksuar nga larg momentin e grabitjes.
Policia jep informacionin zyrtar të grabitjes
Policia e Tiranës është njoftuar se rreth orës 14:45 në sheshin e brendshëm të fluturimeve të aeroportit “Nënë Tereza” ka ndodhur një grabitje me armë. Menjëherë janë angazhuar shërbimet policore në aeroport dhe forca shtesë nga Drejtoria Vendore e Kufirit.
Nisur nga informacioni paraprak, raportohet se është grabitur një sasi monetare, që po transferohej me mjetet e SHPSF “Nazeri 2000”, nga terminali drejt avionit. Dyshohet se autorë të grabitjes janë të paktën 3 persona.
Ata hynë në rrethimin e brendshëm të aeroportit, pasi prenë menteshat e portës së jashtme që ndodhet nga krahu i rrugës Rinas-Fushë Krujë. Rrethimi i jashtëm sigurohet nga shërbimi i sigurisë se kompanisë private që menaxhon aeroportin.
Pasi kanë marrë sasinë e valutës, autorët janë larguar me shpejtësi. Gjatë ndjekjes së autorëve policia ka gjetur të djegur mjetin tip “Benz”, që dyshohet se u përdor nga autorët.
Policia e Shtetit po vijon ndjekjen e tyre, me forca të shumta dhe nga ajri me helikopter.
Forcat RENEA po ushtrojnë kontrolle në akset rrugore dhe zonat ku dyshohet se strehohen autorët. Vazhdojnë intensivisht kërkimet dhe hetimet për zbulimin dhe kapjen e autorëve dhe zbardhjen e plote të ngjarjes.Grabitja, të armatosurit çanë rrethimin për të marrë miliona euro./Shekulli/
Promo
Reklamo këtuLufta Prigozhin - Putin
Më shumëNga Rubrika
FBI trajnon Policinë e Kosovës për hetimin e krimeve
Mashtrohet një 76-vjeçare nga Prilepi, i merren 380 mijë denarë nga një inspektor i rrejshëm policie
Pas dështimit të anëtarësimit në KiE, Krasniqi: Ditë e hidhur për Kosovën – zgjedhjet e parakohshme janë të domosdoshme
Miratohet lista zyrtare, qytetarët do t’i blejnë barnat me çmim të njëjtë në të gjithë Kosovën
Kosova nuk hyri në agjendë të Komitetit të Ministrave, arsyetohet ministrja Gërvalla: Letrës me ofertën për draft-statutin e Asociacionit i ka humbur relevanca
KiE thotë se po shqyrton se si të procedojë për rastin e Kosovës
Meta ia uron ditëlindjen presidentes Osmani: Nuk është vetëm shtylla e juaj i dashur Prindon!
Gjykimi i serbit të dyshuar për krime lufte në Vushtrri, dëshmitari thotë se të akuzuarin e pa në vendin ku u vra një plak
Dështimi i anëtarësimit të Kosovës në KiE, Çitaku: Fitoi pushteti, jo shteti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë