Gjilani ka mposhtur Feronikelin me rezultat 1-0 në kuadër të javës së 28-të të Superligës së Kosovës.

Skuadra gjilanase ishte më e mirë se sa mysafirët, duke dominuar takimin.

Gerhard Progni e kaloi në epërsi skuadrën e tij, në minutën e 20-të me një gjuajte të bukur nga goditja e dënimit (1-0).

Razak Keita kishte tri raste të mira në këtë pjesëlojë, njëra prej tyre nga pika e bardhë, por e qoi huq duke gjuajtur mbi portë në minutën e 35-të.

Pjesa e dytë ishte më e varfër me raste, se sa e parë, gjë që bëri që ndeshja të mbyllej 1-0 në të mirë të Gjilanit.

Kjo është fitorja e tretë e Gjilanit në katër ndeshje nën drejtimin e Ismet Munishit, ku ka edhe një barazim.

Gjilani tani ka 43 pikë në vendin e katërt, ndërsa Feronikeli mbetet në pozitën e gjashtë me 34 pikë. /Telegrafi/

Standings provided by SofaScore LiveScore