Gjilani është rikthyer te fitorja pas derbit të humbur javën e kaluar ndaj Dritës.

Kuqebardhët para tifozëve të vet kanë mposhtur ekipin kryeqytetas Flamurtarin me rezultat 2-0.

Tomislav Busic rrezikoi i pari për vendasit, ndërsa Shend Kelmendi humbi një rast të mirë për mysafirët.

Goli i parë erdhi në minutën e 39-të kur realizoi Sebino Plaku pas gabimit të portierit mysafir Selimaj për 1-0.

Me epërsinë minimale të gjilanasve përfunduan 45 minutat e para të kësaj sfide.

Gjilani vazhdoi sulmet në drejtim të portës së mysafirëve, teksa në minutën e 70-të shënuan edhe golin e dytë.

Kësaj radhe ishte sulmuesi kroat Tomislav Busic që realizoi me kokë.

Deri në fund të ndeshjes dy skuadrat patën disa gjysmë raste, por që rezultati mbeti i pandryshuar ai i minutës së 70-të.

Fitorja Gjilanin e mban në pozitën e katërt me 35 pikë, pesë më pak se lideri Ballkani.

Ndërkohë Flamurtari zë pozitën e nëntë në tabelë me 22 pikë të tubuara. /Telegrafi/