Skuadra e Ligës së Parë, Gjilani ka arritur të eliminoj anëtarin e elitës së futbollit kosovar Ferizajn, nga ‘Digitalb Kupa e Kosovës’, për të kaluar në çerekfinale.
Gjilanasit shënuan fitore të pastër me rezultat 2:0, për të kaluar tutje.
Golat për vendasit i shënuan në pjesën e dytë mesfushori Visar Sermaxhaj dhe ish-sulmuesi i Ferizajt, Shkëmbim Salihu.
Trepça ’89, Besa, Feronikeli, Istogu, Drenica, Drita, Llapi dhe Gjilani janë skuadrat që e kanë siguruar pjesëmarrjen në fazën finale të Kupës. Shorti për të mësuar çiftet e çerekfinaleve do të hidhet pas disa ditëve. /Telegrafi/
