Magazina Yjet

I gjakosur dhe mavijosje në fytyrë, sigurimi i një restoranti në Miami rrahu një person që menduan se po fotografonte Messin dhe gruan e tij

Para 9 muajve

Një klient i një restoranti të famshëm në Miami ka pohuar se ai u rrah deri në gjakose nga sigurimi pasi familja e tij u përpoq të bënte një foto në grup në ditëlindjen e 21-të të vajzës së tij, kur Lionel Messi dhe Beckhams ishin duke festuar disa metra larg.

Një video ekskluzive e DailyMail.com tregoi Victoria Beckham duke nxituar me vajzën e saj, Harper, 12 vjeç, nga Gekko, një restorant në pronësi të reperit portorikan Bad Bunny dhe David Grutman, pas një përleshjeje të dhunshme.

Sigurimi reagoi me zemërim ndaj një të ftuari që tentoi të bënte foto në restorant mbrëmjen e së premtes.

Viktima e paidentifikuar akuzohej se kishte tentuar të fotografonte Lionel Messin dhe gruan e tij Antonela, të cilën ai e mohoi.

“Ata u hodhën drejt nesh, më nxorën jashtë dhe më goditën me grusht në fytyrë. Vetëm sepse miku im po përpiqej të bënte një foto me gruan e tij, jo me Beckhamin apo Messin, asgjë. Ishte një gjë familjare”, ka deklaruar ai.

Sigurimi e nxorri nga restoranit dhe dyshohet se e sulmoi ndërsa ishte jashtë, duke rezultuar në fytyrën e gjakosur dhe të mavijosur.

Në pamjet pas ngjarjes kaotike një grua mund të dëgjohet duke bërtitur në mënyrë histerike: “Ai është një burrë familjar, duke festuar ditëlindjen e 21-të të vajzës së tij”.

Victoria Beckham u pa duke marrë Harper, 12 vjeç, në një vend të sigurt – duke e përqafuar para se ta vendoste në një SUV të drejtuar nga siguria për t’u nisur për në shtëpi.

Messi dhe Antonela Messi po darkonin në restorantin japonez së bashku me yjet e tjerë të Inter Miami, Sergio Busquets, Jordi Alba dhe familjen Beckham, të premten në mbrëmje kur shpërtheu sherri.

Antonela kishte pozuar në foto me bashkëshortin e saj futbollist dhe Victoria Beckham para se të shpërthente dhuna.

Sigurimi thuhet se gabimisht besoi se burri po fotografonte të famshmit.

Duke përshkruar atë që çoi në rrahje, burri i paidentifikuar tha se ai thjesht po përpiqej të bënte një foto me familjen e tij, kur ai u hodh papritur jashtë përpara se të goditej në fytyrë.

Ai tha se Messi ishte në një cep, dhe shoku i tij dhe gruaja e tij ishin në zonën përballë duke bërë foto.

Ylli i repit portorikan, Bad Bunny, i cili është bashkëpronar i restorantit, u pa duke hyrë dhe dalë nga ambienti, duke u ndalur gjatë rrugës nga fansat e etur që kërkonin ‘selfie’ me reperin portorikan.

Postimet në rrjetet sociale qarkulluan nga e njëjta natë ku tregonin Messi dhe Antonela duke kërcyer në vendngjarje.

Lionel Messi dhe David Beckham dolë në Miami të premten mbrëma për të festuar një fitore 4-0 ndaj Charlotte FC në Kupën e Ligës.

Gratë e tyre, Antonela Roccuzzo dhe Victoria Beckham, u bashkuan me festimet së bashku me dy yjet e tjerë të futbollit të Miami, Sergio Busquets dhe Jordi Alba.

Aty ka qenë edhe bashkëshortja e Busquets, Elena, e cila ka pozuar një foto me Victoria dhe Antonelën pas një tjetër nate të mrekullueshme në fushën e futbollit për Inter Miami.

Messi shënoi golin e tij të tetë në Miami vetëm në paraqitjen e tij të pestë për skuadrën e tij të re, ndërsa ata kaluan në katër të fundit të Kupës së Ligës.

Për të shënuar këtë rast, Messi , bashkëpronari i Miamit, Beckham dhe pjesa tjetër e grupit u pritën nga David Grutman në Gekko Miami – një restorant sushi dhe biftekësh. /Telegrafi/