Ryan Giggs ka uruar mesfushori anglez, Gareth Barry për arritjen e tij të madhe në karrierën futbollistike.

Barry ka arritur të bëhet lojtari me më së shumti paraqitje në histori të kampionatit anglez, Ligës Premier.

Mesfushori i West Bromwich Albionit ka mbërritur në paraqitjen e tij të 633-të në futbollin anglez, duke ia thyer kështu rekordin, uellsiani Giggs.

Barry shkruan historinë, bëhet lojtari me më shumë paraqitje në histori të Ligës Premier (Foto) Barry shkruan historinë, bëhet lojtari me më shumë paraqitje në histori të Ligës Premier (Foto)

Megjithatë, legjenda e Manchester Unitedit është i pari që ka uruar anglezin për këtë arritje kaq të madhe në karrierë.

Giggs dhe Barry ishin rivalë të mëdhenj në fushë!!

“Përshëndetje Gareth, urime të madhe që keni thyer rekordin tim për më së shumti paraqitje në Ligën Premier”.

“Kjo është një arritje e madhe. E di që je profesionist, por të luash aq shumë ndeshje në nivelin më të lartë është me të vërtetë arritje e madhe”.

Skuadrat dhe ndeshjet e Barryt në Ligën Premier

“Urime shoku dhe shpresoj se do të luash edhe shumë ndeshje tjera”, ka thënë Giggs në një video të publikuar nga kanali zyrtar i Ligës Premier në Ligën Premier.

Ndryshe, pas Barryt me 633 paraqitje dhe Giggsit me 632, gjendet Frank Lampard me 609 sosh. /Telegrafi/