Milani ka marrë një fitore tejet të madhe në udhëtim te Fiorentina.

Rossonerët kanë triumfuar me rezultat minimal 0-1 dhe kanë mbajtur gjallë shpresat për të zënë një pozitë që i dërgon në Ligën e Kampionëve.

Golin e vetëm për kuqezinjtë e shënoi mesfushori turk Hakan Calhanoglu.

Pas ndeshjes trajneri Gennaro Gattuso ka folur rreth mundësisë që kanë për të shkuar në Ligën e Kampionëve.

“Fiorentina është një skuadër që të krijon gjithmonë probleme dhe ka qenë e vështirë të luajmë ndaj tyre”.

“Ata kanë futbollistë shumë të shpejtë në ofensivë, por ne arritëm të menaxhonim mirë ndeshjen dhe të marrim një fitore me vlerë të madhe”.

Vincenzo Montella dhe Gennaro Gattuso. (Photo by Gabriele Maltinti/Getty Images)

“Ne ende jemi në lojë për të marrë një pozitë që na dërgon në Ligën e Kampionëve. Tani presim Frosinonen dhe deri në fund do të besojmë”, u shpreh Gattuso.

Krejt në fund trajneri i Milanit ka folur edhe për mesfushorin Bakayoko me të cilin pati probleme ndeshjen e kaluar.

“Prioriteti im është vetëm Milani, rëndësi ka skuadra jo individi. Jam i kënaqur me paraqitjen e Bakayokos, pasi javën e kaluar gabuam që të dy”, u shpreh Gattuso. /Telegrafi/