Karim Benzema ishte heroi i kualifikimit të Real Madridit në çerekfinale të Ligës së Kampionëve ndaj PSG, duke shënuar het-trik.

Dhe kjo nuk është paraqitja e tij e parë e madhe. Mirëpo, për Micah Richards, ish-futbollist dhe tani analist i ‘CBS Sports’, i është dashur pak kohë që të bindet për nivelin e francezit.

Në fakt, deklarata e tij e habiti tej mase një legjendë të futbollit që ishte i ulur me të në panel si Thierry Henry .


Biseda mes dyshes:

Richards: “Tani [Benzema] më ka bindur”.

Henry: “Vetëm tani?”.

Richards: “Kohët e fundit, në gjashtë muajt e fundit… Jam i bindur se ai është aty lart me Harry Kane dhe Robert Lewandowski.”

Henry: “Uau. Vetëm sonte?”

Richards: “Gjashtë muajt e fundit”.


Të kujtojmë që Karim Benzema mbërriti në Real Madrid në verën e vitit 2009 nga Olympique Lyon, dhe që atëherë ai ka luajtur 592 ndeshje për klubin, duke kontribuar me 309 gola dhe 156 asistime në këtë periudhë.

Legjenda Karim Benzema: Kalon 308 golat e Di Stefanos te Real Madridi dhe 66 të Raulit në Ligën e Kampionëve Legjenda Karim Benzema: Kalon 308 golat e Di Stefanos te Real Madridi dhe 66 të Raulit në Ligën e Kampionëve

Ai ka fituar absolutisht gjithçka në “Santiago Bernabeu”; 3 herë La Ligan, 2 Kupa të Mbretit dhe 4 tituj të Ligës së Kampionëve./Telegrafi/