Frankfurti i njofton top klubet evropiane me çmimin e sensacionit të Bundesligës

Omar Marmoush, ky është lojtari i momentit në elitën e futbollit gjerman Bundesliga që shënon e asiston vazhdimisht.

Sulmuesi egjiptian është bërë sensacion në futbollin gjerman, pasi nuk ka asnjë futbollistë më në formë se ai.

25-vjeçari që luan me Eintracht Frankfurt po kalon nëpër një formë të mrekullueshme, ku në 15 ndeshje në të gjitha garat ka shënuar 13 gola dhe ka asistuar në nëntë të tjerë.

Falë formës së shkëlqyer të egjiptianit, shumë klube të mëdha janë futur në garë për transferimin e tij.

Bayern Munich dhe Liverpool prej kohësh e duan atë, por në garë janë edhe klube tjera të mëdha si PSG, Chelsea, Arsenal dhe Juventus.

Bild ka raportuar se te Frankfurti e dinë se do ta kenë vështirë ta mbajnë yllin egjiptian në skuadër dhe tanimë i kanë vendosur çmimin e largimit.

Frankfurt synon që nga shitja e yllit kryesor të skuadrës të fitojnë 66 milionë euro, edhe pse i kanë bërë të qartë lojtarit dhe klubeve të interesuara se në janar nuk do ta lënë të lirë të largohet, por vetëm në fund të sezonit. /Telegrafi/