Përzgjedhësi i Përfaqësueses së Kosovës, Bernard Challandes pritet t’i bëjë disa ndryshime në formacion për ndeshjen e sotme (e premte) miqësore ndaj Maltës.

Dardanët do të luajnë sot miqësoren e dytë të këtij muaji, pasi do të ndeshen me Maltës, pas takimit të para disa ditësh kundër San Marinos.

Ndeshja ndaj Maltës është paraparë të zhvillohet nga ora 18:00 në ‘Ëorthersee Stadion’ në Klagenfurt të Austrisë.

Kosova luan sot miqësoren e radhës, takohet me Maltën Kosova luan sot miqësoren e radhës, takohet me Maltën

Ky takim sikurse ai ndaj San Marinos pritet të shërbejë si provë për disa lojtarë të rinj, të cilët pres t’i provojë përzgjedhësi Challandes.

Burimet e Telegrafit mësojnë se Challandes pritet t’i bëjë disa ndryshime për dallim nga ndeshje ndaj San Marinos.

Reklama

Në portë, Visar Bekaj mendohet se do të fitojë fanellën e titullarit për herë të parë që nga grumbullimet e tij me Kosovën.

Reklama

Destan Bajselmani pritet të konfirmohet në krahun e djathtë të mbrojtjes, ashtu sikurse edhe Amir Rrahmani dhe Betim Fazliji, ndërsa Fidan Aliti pritet të luajë në krahun e majtë të mbrojtjes, përcjell Telegrafi.

Në mesfushë, Challandes pritet t’i besojë dyshes së përhershme, Hekuran Kryeziu dhe Herolind Shala, duke e lënë në bankë Betim Halimin, i cili luajti titullar ndaj San Marinos.

Në pjesën sulmuese, Blendi Idrizi pritet të konfirmohet, ashtu sikurse edhe Arbër Zeneli, ndërsa Zymer Bytyqi pritet të luajë titullar në krahun e djathtë të sulmit dhe Milot Rashica në qendër në vend të Vedat Muriqit.

Reklama

Formacioni i mundshëm i Kosovës 

/Telegrafi/