Ka përfunduar java e 25-të në Ipko Superligën e Kosovës në futboll me dominimin e skuadrave vendasve.
Nga gjashtë ndeshje të fituara, pesë ekipet nikoqire kanë ndalur maksimumin e pikëve në shtëpi, ndërsa vetëm Flamurtari ka triumfuar në udhëtim.
Pesë skuadrat e para në tabelë, Drita, Prishtina, Ballkani, Gjilani dhe Feronikeli triumfuan përballë Ferizajt, Dukagjinit, Trepçës ’89, Vushtrrisë dhe Llapit duke vazhduar luftën për titull dhe Evropë.
Në anën tjetër triumfi i vetëm si mysafir ishte ai i Flamurtarit që mposhti Drenicën në derbin kuqezi të zhvilluar në Skenderaj.
Si çdo javë edhe kësaj radhe Telegrafi ka zgjedhur 11 më të mirët e xhiros.
Portieri:
Gjilani u duk se pati një përballje të lehtë në letër, por Vushtrria ka zhvilluar një ndeshje të madhe përkundër humbjes 3-0.
Portieri i bardhekuqve, Kenan Haxhihamza ka bërë disa pritje fantastike duke ia mohuar gëzimin vushtrriasve.
Kësisoj këtë javë portieri më i mirë në Ipko Superligë zgjidhet Kenan Haxhihamza.
Mbrojtja:
Mbrojtja këtë javë vjen me katër, kur në krahun e djathtë zë vend kapiteni i Prishtinës, Armend Thaqi.
Numri dy i bardhekaltërve ishte fantastik në duelin me Dukagjinin ku bëri tre asistime.
Qendra e mbrojtjes përbëhet nga Valdo Zeqo i Flamurtarit që bëri një ndeshje të madhe ndaj Drenicës në triumfin e klubit kryeqytetas, ndërsa si partner i tij është Ardian Cuculi i Dritës, që edhe këtë javë tregoi cilësitë e larta ndaj Ferizajt, por edhe shënoi golin e sigurisë për bardhekaltërtit.
Albin Kapra e justifikoi besimin e Ismet Munishit për të luajtur nga minuta e parë përballë Trepçës ’89. Mbrojtësi anësorë ishte fantastik në krahun e majtë duke bërë depërtime të shpeshta, por edhe duke bllokuar atë krah për kundërshtarët.
Mesfusha:
Këtë javë mesfusha është komplet e talentuar, me tre lojtarë të rinj që kanë filluar të lënë shenja në elitën e futbollit kosovar.
Albert Dabiqaj ishte edhe njëherë i jashtëzakonshëm te Feronikeli, ku bëri lojë të madhe si në defensivë ashtu edhe në repartin ofensivë ku fitoi penallti.
Deçanasi ishte ndër lojtarët kryesorë të Niklit në triumfin ndaj Llapit dhe falë edhe lojës së tij të mirë ‘Industrialistët’ vazhdojnë të mbesin në garë për një vend që i dërgon në Evropë.
Qëndrim Zyba është xhevahiri i ri i Prishtinës që dalë ngadalë ka filluar ta fitojë pozitën e titullarit tek kryeqytetasit. Zyba ishte fantastik edhe ndaj Dukagjinit, duke shkatërruar aksionet e klinasve dhe duke ndërtuar ata të Prishtinës. I jashtëzakonshëm, me shpresë që do të largohet sa më parë në ndonjë kampionat evropian.
U fut papritur në formacionin e titullarëve të Shpëtim Idrizit, por me paraqitjen e treguar në ndeshjen ndaj Ballkanit e meritoi edhe vendin në formacionin e më të mirëve. Milot Avdyli shkëlqeu në përballje me ‘portokallinjtë’ duke vallëzuar në mesin e fushës. Madje, futbollisti mitrovicas goditje edhe shtyllën në pjesën e parë të lojës, si dhe kompletoi një numër të saktë pasimesh.
Sulmi:
Reparti ofensivë vjen me tre lojtarë që kanë qenë kyç në sukseset e skuadrave të tyre.
Mevlan Zeka ishte hero i Feronikelit me dy gola në fitoren ndaj Llapit 2:1. Gjakovari i realizoi me qetësi të madhe dy golat nga penalltia, por edhe gjatë lojës ishte rreziku kryesor i llapjanëve.
Adem Maliqi bëri një lojë të mrekullueshme dhe shënoi golin e dytë në fitoren e madhe të Flamurtarit 1-2 te Drenica. Edhe pse i ri në moshë, Maliqi tregoi se ka cilësi dhe mund të vendos edhe ndeshje të vështira.
Në krahun e djathtë të sulmit është padyshim lojtari më i mirë i Gjilanit këtë edicion, Gerhard Progni.
Anësori fantastik nuk shënoi këtë javë, por kontribuoi me dy asistime në fitoren e Gjilanit 3-0 ndaj Vushtrrisë.
Trajneri i javës:
Pozita e kryetrajnerit të javës i takon Sunaj Keçit të Flamurtarit. Ai me strategjinë e tij arriti që të kthehet me pikë të plota nga Skenderaj, nga një terren direkt për mbijetesë. /Telegrafi/
Lufta Prigozhin - Putin
Më shumëNga Rubrika
“Ish-gjyqtari më i pasur në botë”, është pronari i dy super bizneseve dhe ka pasuri neto më shumë se Mike Tyson
A u vodh Barcelona në El Clasico? Cafu deklarohet shkurt dhe qartë
Liverpooli përpilon listën zyrtare prej tre emrave për të zëvendësuar Kloppin pas largimit
A u vodh Barcelona në El Clasico? Cafu deklarohet shkurt dhe qartë
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Bayerni shokon të gjithë me trajnerin i cili do ta drejtojë ekipin sezonin e ardhshëm
Barcelona kërkon që El Clasico të riluhet, kërkesë jo e rrallë për këtë edicion – pasi një tjetër derbi në Evropë ishte të njëjtës rrugë
Arrestohen dy lojtarë të së njëjtit klub në Ligën Premier nën akuzat për përdhunim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj