Nuk ka dhënë fitues ndeshja e javës së katërt të Superligës së hendbollisteve mes Samadrexhës dhe Kastriotit të Ferizajt. Të dielën në palestrën në Samadrexhë, këto dy skuadra luajtën 29-29.

Pas pjesës së parë rezultati ishte 14-13 për ferizajaset. Në pjesën e parë Samadrexha krijoi epërsi deri në tre gola , por në fund Kastrioti krijoi avantazh prej një goli. Në pjesën e dytë u luajt për secilin gol dhe në fund shifrat ishin 29-29.

Arlinda Maloku shënoi golin e barazimit për Samadrexhën në fund. Ajo ishte më efikasja te skuadra vendase me 11 gola. Nga pesë gola i shënuan Donjeta Mehmeti e Agnesa Surdulli.

Elza Reçica i shënoi shtatë gola për Kastriotin. Nga pesë i shënuan Ermira Saliu e Puhiza Gashi. Kastrioti është i gjashti me pesë pikë. Samardrexha është e shtata me tri pikë.

Të dielën u luajtën edhe dy ndeshje tjera. Prishtina fitoi ndaj Vjosës (36-15), kurse Vushtrria e mposhti Dritën (74-16).