Federata e Basketbollit e Kosovës (FBK) ka njoftuar se pavarësisht insistimit të madh nga ana e saj tek Ministria e Shëndetësisë (MSH) në Final 8 Kupën e Kosovës, që do të zhvillohet nga 3 deri më 7 Shkurt në Suharekë, nuk do të lejohen shikuesit dhe do të respektohet vendimi i Qeverisë së Kosovës, që në palestër duhet të jenë maksimumi 50 persona, duke përfshirë këtu lojtarët, trajnerët, gjyqtarët, zyrtarët e ndeshjes dhe zyrtarët e FBK-së.
Federata e Basketbollit e Kosovës ka kërkuar dhe ka insistuar tek Ministria e Shëndetësisë disa herë që të lejohen të paktën 200 shikues, të cilët do të respektonin masat, si distanca sociale dhe bartja e maskave, megjithatë, vendimi nga MSH nuk ka ndryshuar.
“Federata e Basketbollit të Kosovës (FBK) edhe një herë kërkon nga Ministria e Shëndetësisë (MSH) dhe Instituti Kombëtar i Shëndetësisë Publike të Kosovës (IKSHPK) lejimin e shikuesve (200 në total) në ndeshjet e Final 8 Kupës së Kosovës, event ky që do të organizohet prej 3 deri më 7 Shkurt 2021 në palestrën e sportit “13 Qershori” në Suharekë. Federata e Basketbollit të Kosovës e rithekson se është e gatshme që së bashku me organizatorin e Final 8 Kupës së Kosovës, klubin e basketbollit Golden Eagle Ylli, të bëjë organizimin e shikuesve, gjithnjë duke respektuar masat në fuqi për Covid-19 të Qeverisë së Republikës së Kosovës, Udhëzuesin e FBK-së për Rikthimin në Fushat e Basketbollit dhe Protokollin e FIBA-s për Covid-19, në të cilat theksohet fuqishëm mbajtja e distancës sociale dhe e vendosjes obligative të maskës”, thuhet në kërkesën e FBK-së.
Të dielën Ministria e Shëndetësisë ka treguar se do të lejohen vetëm 50 persona gjatë aktiviteteve në palestra. “Referuar e-mailit tuaj, ju informojmë që aktivitetet mund të realizohen gjithmonë duke respektuar Vendimet e lëshuara nga Qeveria e Republikës së Kosovës, si dhe manualin për mbrojtje nga Covid 19”, thuhet në përgjigjen nga MSH, që i referohet vendimit të mëparshëm me numër 09/58 të datës 14.01.2021, gjegjësisht pikës 24 të vendimit – Masat për aktivitete publike.
Federata e Basketbollit e Kosovës sërish ka kërkuar që të lejohen tifozët, por përgjigja e prerë ka arritur sërish të martën (sot). “Nga QOE/MSH më parë keni pranuar përgjigjen në kërkesën tuaj, ju rikujtojmë që nuk ka ndryshime nga Vendimin Nr. 09/58 datë 14.01.2021, çka nënkupton se shprehimisht është e rregulluar lejimi i këtyre aktiviteteve dhe pjesëmarrja e mundshme e personave në këto aktivitete”.
Vendimi për lejimin e aktiviteteve sportive në palestra është ky: “Në hapësira të mbyllura ndalohet grumbullimi i qytetarëve në numër prej më shumë se 30 personave, ndërsa në sheshe publike, parqe, vende publike, qendra rekreative dimërore dhe të ngjashme, lejohet grumbullimi deri në 50 persona me përjashtim rasteve të lejuara me këtë vendim”.
Federata e Basketbollit e Kosovës në bashkëpunim me klubit organizator, Golden Eagle Ylli do të bëjë çmos që këto rregulla të respektohen dhe të mos ketë probleme.
Rrjedhimisht edhe mediat nuk do të lejohen në palestër, megjithatë, Federata e Basketbollit të Kosovës do të përkujdeset që tu ofrojë statistikat ‘LIVE’ në uebfaqen e saj zyrtare, raportet e ndeshjeve, fotografitë, Highlights dhe deklaratat pas ndeshjes. Të gjitha ndeshjet do të transmetohet në Kujtesa, thuhet në njoftimin e FBK-së. /Telegrafi/
Lufta Prigozhin - Putin
Më shumëNjihuni me bukuroshet shqiptare që morën vëmendjen e të gjithëve në Allianz Arena
Hazard më në fund i kundërpërgjigjet Kroosit për deklaratën goditëse rreth formës së belgut te Real Madridi
Arsyeja pse Borussia Dortmund njihet si 'BVB' edhe pse nuk ka të bëjë me emrin e klubit
Zbulohen fjalët që Bellingham ia tha Kanes kur po bëhej gati ta gjuante penalltinë
Michail Antonio zbulon fjalët që bankina e West Hamit i dëgjoi nga Klopp në drejtim të Salah
Ancelotti ngreh dyshime të frikshme për gjendjen e Bellingham
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës