(E plotësuar) Gjykata e Apelit në Hagë ka shpallur sot vendimin përfundimtar kundër Ratko Mlladiqit.
Dhe siç raporton klix.ba, ai u dënua me burgim të përjetshëm, përcjell Telegrafi.
Po sipas mediumit në fjalë, ky kriminel lufte, i cili ishte komandant i përgjithshëm i Ushtrisë së Republika Srpska, u shpall fajtor sot në vendimin përfundimtar, pas të cilit nuk ka asnjë apelim, në 10 nga 11 pikat e aktakuzës.
Fillon seanca, Mlladiq pas pak do të dëgjojë vendimin përfundimtar në çështjen e gjenocidit në Bosnjë
Gjykatësit e apelit po përgatiten të japin një vendim kundër ish-udhëheqësit ushtarak serb Ratko Mlladiq, duke i dhënë fund gjyqit të fundit të gjenocidit boshnjak përpara gjykatës së OKB-së për ish Jugosllavinë.
Sipas Al Jazeera, përcjell Telegrafi, Mlladiq, 78, udhëhoqi forcat Serbe të Bosnjës gjatë Luftës së Bosnjës 1992-95.
I njohur si “Kasapi i Bosnjës”, ai u dënua në vitin 2017 me akuzat e gjenocidit, krimeve kundër njerëzimit dhe krimeve të luftës duke përfshirë terrorizimin e popullatës civile të kryeqytetit të Bosnjës, Sarajevë, gjatë një rrethimi 43-mujor dhe vrasjen e më shumë se 8,000 burrave myslimanë në Srebrenicë, Bosnjë, në vitin 1995.
Kjo ishte masakra më e rëndë në tokën evropiane që nga Lufta e Dytë Botërore dhe mbetet episodi i vetëm i gjenocidit në kontinent i njohur nga dy gjykata ndërkombëtare.
Gjykimi i së martës një panel me pesë gjyqtarë po drejtohet nga Gjyqtarja Kryesuese, Prisca Matimba Nyambe.
Ndërkohë, nënat dhe gratë e veja të disa viktimave të vrara kur trupat serbe të Bosnjës pushtuan Srebrenicën ishin jashtë gjykatës në Holandë, ku kanë bërë thirrje për drejtësi.
Avokatët e Mlladiqit apeluan dënimin e tij dhe argumentuan se ish gjenerali nuk mund të konsiderohej përgjegjës për krimet e mundshme të kryera nga vartësit e tij. Ata kërkuan një pafajësi ose një rigjykim.
Ndërsa prokurorët duan që dënimi i Mlladiq të përkrahet, së bashku me dënimin e tij të përjetshëm.
Mlladiq u akuzua për herë të parë në korrik të vitit 1995.
Pas përfundimit të luftës në Bosnjë, ai u fsheh dhe më në fund u arrestua në vitin 2011 dhe iu dorëzua Tribunalit Penal Ndërkombëtar për ish-Jugosllavinë nga qeveria e atëhershme pro-perëndimore e Serbisë. /Telegrafi/
Promo
Reklamo këtuLufta Prigozhin - Putin
Më shumëÇfarë janë retë artificiale dhe a shkaktuan përmbytjet e mëdha në Dubai?
Izraeli sulmon Iranin me raketa
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Tërmet i fuqishëm në Turqi - raportohet për dëme materiale
Sa seriozisht duhet të merret retorika bërthamore e Iranit?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi