LAJMI I FUNDIT:

Fillimisht nafta, tani ushqimi: Arabia Saudite “zbut” rregullat për importin e grurit nga Rusia – lajm i keq për vende si Gjermania

Fillimisht nafta, tani ushqimi: Arabia Saudite “zbut” rregullat për importin e grurit nga Rusia – lajm i keq për vende si Gjermania

Agjencia e Drithërave të Arabisë Saudite do të “zbusë” rregullat për importin e grurit. Kjo do të lejojë që më shumë kombe, përfshirë furnitorët e Detit të Zi, të marrin pjesë në tregun arab.

Një masë e tillë, sipas mediave të huaja, përcjell Telegrafi, hap derën për Rusinë, transportuesin më të madh të grurit, për të hyrë në tregun saudit pas më shumë se një viti bisedimesh.

Ky mund të jetë një lajm i keq për kombet e Bashkimit Evropian si Gjermania, të cilat aktualisht mbizotërojnë shitjet në mbretëri.

Arabia Saudite ishte blerësi i dytë më i madh i grurit në BE sezonin e kaluar, tregojnë të dhënat e tregtisë.

“Është një përparim”, citohet të ketë thënë Dmitry Rylko, drejtori i përgjithshëm në Institutin për Studime të Tregut Bujqësor, ose IKAR, në Moskë. “Ne mund të arrijmë sukses serioz”.

Furnizime më të mëdha dhe çmime konkurruese kanë ndihmuar Rusinë të zgjerojë eksportet në Lindjen e Mesme dhe Afrikën e Veriut vitet e fundit, dhe vendi është një furnizues kryesor për importuesin numër 1, Egjiptin.

Ky vend synon të sigurojë aksesin në Algjeri, një treg vendimtar për Francën, ku drithërat ruse gjithashtu nuk plotësojnë standardet e cilësisë.

Rusia mund të dërgojë 500,000 tonë grurë në vit në Arabinë Saudite, sipas IKAR.

Me këtë, mund të jetë në gjendje të “kompensojë” pjesën e tregut nga kombet si Gjermania, Polonia dhe shtetet baltike për shkak të afërsisë së porteve të Detit të Zi me mbretërinë.

Arabia Saudite dhe Rusia kohët e fundit kanë bashkëpunuar në frenimin e furnizimeve të naftës për të përmirësuar çmimet si pjesë e grupit OPEC +.

“Marrëdhëniet e mira politike” midis vendeve mund të kenë ndihmuar në çështjen e grurit, tha Andrey Sizov Jr., drejtori menaxhues në konsulent SovEcon. /Telegrafi/