LAJMI I FUNDIT:

Festimi i Bellingham: Nga vjen dhe çfarë do të thotë për të?

Festimi i Bellingham: Nga vjen dhe çfarë do të thotë për të?

Që kur u transferua tek Real Madridi, Jude Bellingham shumë shpejtë është shndërruar nga një talent i ri në moshë që premton shumë, në njërin nga futbollistët më me ndikim në botë.

Sezonin e kaluar, ai pothuajse i vetëm arriti që ta mbajë Borussia Dortmundin në garë për titull kampion në Bundesliga.

Tek Real Madridi ai ka shënuar 16 gola në 18 ndeshje dhe secili prej këtyre golave ishte shoqëruar me një festim duke zgjatur krahët, që tashmë është bërë mjaft i famshëm dhe shumë lojtarë tjerë janë inspiruar nga anglezi, për ta bërë të njëjtin festim.

Gjithçka filloi kur anglezi po luante për Birmingham Cityn në Angli. Në vitin 2019, 16-vjeçari u bë pjesë e ekipit të parë pasi paraprakisht kishte luajtur në grupmoshat e këtij klubi.

Më 31 gusht të vitit 2019, Bellingham e nisi nga minuta e parë ndeshjen ndaj Stoke Cityt për herë të parë ku madje shënoi edhe gol.

Në ndeshjen e radhës ndaj Charltonit, Jude përsëri ishte pjesë e formacionit bazë dhe shënoi golin që i dha tri pikët ekipit të tij.

“E vërteta është se nuk jam saktësisht i sigurtë se nga më erdhi kjo ide. E fillova në Birimingham dhe e kam bërë që nga atëherë, por nuk jam duke e bërë për ndonjë arsye të veçantë”, ka thënë Jude kur u pyet për festimin e tij.

Bellingham vazhdoi të festonte kështu edhe tek Dortmundi:

Dhe po e bën përsëri edhe tek Real Madridi:

Bellingham, natyrisht, nuk është futbollisti i parë që feston golat e tij në këtë mënyrë. Këtu është David Beckham, duke bërë pothuajse të njëjtën festë:

Megjithatë, në ditët e sotme shumica e tifozëve e dinë se është ‘festimi i Bellingham’ dhe lojtarët e tjerë po e “kopjojnë” me kënaqësi. Ja festimi i Mykhailo Mudryk, pasi shënoi kundër Arsenalit:

Joao Felix pas golit të shënuar ndaj Atletico Madridit:

Lucas Paqueta dhe Said Benrahma (Lojtarë të West Ham United)

/Telegrafi/

Në trend Sport

Më shumë
Këta janë dhjetë lojtarët shqiptarë më të paguar në futboll – Muriqi më lartë se Xhaka, befasojnë Hysaj dhe Muçi

Këta janë dhjetë lojtarët shqiptarë më të paguar në futboll – Muriqi më lartë se Xhaka, befasojnë Hysaj dhe Muçi

Ligat tjera
Zidane e ka refuzuar Man Unitedin për dy arsye qesharake

Zidane e ka refuzuar Man Unitedin për dy arsye qesharake

Premier League
Ka klauzolë largimi prej 1 miliard euro, por Barcelona e gatshme ta shes yllin e saj për vetëm 40 milionë

Ka klauzolë largimi prej 1 miliard euro, por Barcelona e gatshme ta shes yllin e saj për vetëm 40 milionë

La Liga
Klubi i famshëm anglez buzë humnerës për shkak të problemeve financiare

Klubi i famshëm anglez buzë humnerës për shkak të problemeve financiare

Premier League
Klopp thotë se do të bëhet shumë nervoz nëse tifozët e Liverpoolit nuk e lënë të qetë lojtarin

Klopp thotë se do të bëhet shumë nervoz nëse tifozët e Liverpoolit nuk e lënë të qetë lojtarin

Premier League
Athletic Bilbao shkatërron Atletico Madridin, i bashkohet Mallorcas në finale

Athletic Bilbao shkatërron Atletico Madridin, i bashkohet Mallorcas në finale

La Liga
Kalo në kategori