Festa e lojtarëve të Dinamo Zagrebit me tifozët e tyre: Këngë dhe flakadanë për gjysmë ore së bashku

Zagrebi tashmë është në festë të madhe, pasi po feston fitoren madhështore të Dinamos kundër Tottenham (3-0) dhe kalimin në çerekfinalet e Ligës së Evropës.

Pasi humbi 2-0 në ndeshjen e parë në Londër, Dinamo bëri një mrekulli në Maksimir duke e kthyer ndeshjen dhe duke u futur në mesin e tetë skuadrave më të mira në këtë garë.

Pas ndeshjes në shumë lagje të qytetit, kishte festë me makina, dhe njerëzit spontanisht përqafoheshin dhe këndonin nën tingujt e sirenave, shkruajnë mediat kroate.

Para stadiumit Maksimir, qindra tifozë me flakadanë dhe këngë përshëndetën lojtarët e Dinamos që u bashkuan me ta në festë.

Tifo grupi më i madh i këtij klubi Bad Blue Boys me këngë dhe pankarta i pritën lojtarët.

Pas një festimi të paparë në dhomat e zhveshjes, portieri Dominik Livaković e çoi ekipin e Dinamos në parking.

Dinamo Zagreb celebrating the win over Tottenham with their fans.pic.twitter.com/e2YFjxvtzo

— Sam Street (@samstreetwrites) March 18, 2021

Lojtarët kënduan së bashku me tifozët disa nga këngët e Dinamos.

Feta zgjati për gati gjysmë ore. Skena si kjo nuk janë parë në Maksimir për një kohë të gjatë.

Tifozët po ashtu i kënduan për një kohë të gjatë Mislav Orsicit, heroit të Dinamos që shënoi një het-trik. Madje shokët e tij të skuadrës e mbajtën Orsicin në krahë dhe e hodhën në ajër. /Telegrafi/