Bundesliga është bërë kampionati i parë i madh evropian që merr vendim për të rifilluar të luaj.

Ishte kancelaria e shtetit gjerman Angela Merkel që lejoi zhvillimin e futbollit, derisa në dispozicion DFL dhe klubet kishin dy data për rinisjen e kampionateve, 15 maj më e afërta dhe 22 maj më e largëta.

DFL ka vendosur për datën 15 maj e premte ku do të rifillojë kampionati gjerman.

Ndeshja e parë që pritet të luhet pas pezullimit të Bundesligës është ajo mes Fortuna Dusseldorfit ku aktivizohet mesfushori i Kosovës, Valon Berisha përballë Paderbornit të Jurgen Gjasulës.

Kujtojmë që të gjitha ndeshjet e Bundesliga 1 dhe 2 do të zhvillohen pa praninë e shikuesve së paku deri në përfundim të këtij edicioni.

“Ky është një lajm i mirë. Ndeshjet pa praninë e tifozëve nuk janë ideale, sidoqoftë ka krizë momentalisht që kërcënon ekzistencën e klubeve dhe kjo është mënyra ideale për t’i mbajtur kampionatet në formën e tyre aktuale”, ka thënë presidenti i DFL, Christian Seifert.

Me rikthimin e futbollit edhe sjellja e lojtarëve duhet të jetë krejtësisht tjetër në fushë.

View this post on Instagram

Bundesliga bëhet kampionati i parë i madh që merr vendim përtu rikthyer 😍👏🏻 Për më shumë klikoni në linkun në bio ⬇️

A post shared by Telegrafi Sport (@telegrafisport) on May 6, 2020 at 7:14am PDT

Çdo gabim ose sjellje e rëndë e futbollistëve pritet të dënohet rëndë nga federata gjermane e futbollit.

Kujtojmë që gara për titull këtë edicion në elitën e futbollit gjerman është shumë interesant, pasi Bayern Munich është lider me 55 pikë, ndërsa edhe tri skuadra të tjera po luftojnë për trofeun si Borussia Dortmund (51), RB Leipzig (50) dhe Borussia Moenchegladbach (49). /Telegrafi/