Favorit për kryeministër të Spanjës – kush është Alberto Nunez Feijoo?

Zgjedhjet e jashtëzakonshme në Spanjë do të mbahen më 23 korrik dhe sondazhet tregojnë se kryeministri i ri mund të jetë Alberto Nunez Feijoo.

Ai e quan veten teknokrat dhe u përball me kryeministrin aktual, Pedro Sanchez në një debat televiziv. Analistët besojnë se performanca e tij ishte më e mirë se e Sanchezit.

Ky udhëheqës konservator ka premtuar mbështetje të fortë për Bashkimin Evropian, Ukrainën dhe do të promovojë lidhjet midis Evropës dhe Amerikës Latine.

Partia e Fejoos ka arritur një sërë marrëveshjesh bashkëpunimi rajonal me Vox që nga fundi i zgjedhjeve të majit, Sanchez tha se e njëjta gjë mund të ndodhë në nivel kombëtar.

Një sondazh i publikuar në gazetën La Vanguardia tregoi se 60 për qind e spanjollëve janë të shqetësuar për mundësinë e një koalicioni PP-Vox. Në manifestin e tij zgjedhor, Feijoo tha se PP mbështet një politikë të ‘autonomisë strategjike’ për Evropën që synon pavarësinë në sektorë të tillë si mbrojtja dhe teknologjia e Shteteve të Bashkuara dhe Kinës.

Spanja do të mbështesë gjithashtu një politikë të përbashkët të BE-së “efektive, humanitare dhe të sigurt” për t’u marrë me krizën e emigrantëve, raporton euronews.

Ai tha gjithashtu se qeveria e tij do të mbajë të hapur kufirin midis Gjibraltarit dhe Spanjës pasi negociatat e ashpra midis statusit të Rock-ut pas BREXIT dështuan gjatë zgjedhjeve, transmeton Telegrafi.

Deri më tani, përvoja e vetme e Feijo ishte drejtimi i një qeverie rajonale në Galicia, një rajon rural konservator në Spanjën veriperëndimore. Nëse bëhet kryeministër, do të “hedhet” menjëherë në politikën ndërkombëtare, por këmbëngul se është gati.

Megjithatë, atij i mungon një aftësi shumë e rëndësishme, që është njohja e gjuhës angleze.

Ndërsa Sanchez pëlqen të tregojë njohuritë në anglisht dhe frëngjisht, Fejioo do të varet nga përkthyesit.

Në një intervistë me Financial Times, Feijoo tha se do të rishikonte taksën prej 3 miliardë eurosh, e cila ka zemëruar bankat dhe kompanitë e energjisë, por nuk e hoqi plotësisht atë.

Në mënyrë klasike konservatore, Feijoo premtoi gjithashtu të ulë tatimin mbi të ardhurat për ata që fitojnë më pak se 40 mijë euro në vit, që është shumica e spanjollëve.

Ai është djali i një punëtoreje mirëmbajtjeje ndërsa është dërguar në shkollë me konvikt në moshën 10-vjeçare.

Fillimisht ai donte të bëhej gjyqtar, por kjo ambicie u shkatërrua kur babai i tij humbi punën, kështu që ai zgjodhi shërbimin civil në Galicia dhe në moshën 35-vjeçare drejtonte shërbimin shëndetësor kombëtar të Spanjës.

Gjashtë vite më parë, ai kishte një djalë, i quajtur gjithashtu Alberto, me partneren e tij, Eva Cardenas.

Feijoo filloi fushatën zgjedhore në Castelldefels, një qytet që është shtëpia e lojtarëve të FC Barcelona dhe biznesmenëve të pasur.

Për ironi, pranë tubimit ishte Shtëpia e Republikës, e cila nderon ata nga pala republikane që humbën jetën ose u detyruan të mërgoheshin në Luftën Civile Spanjolle. Ai ka premtuar të shfuqizojë Ligjin për Kujtesën Demokratike, i cili u miratua në vitin 2022 nga një qeveri e koalicionit të majtë për t’u marrë me trashëgiminë e diktaturës së gjeneralit Francisco Franco, i cili sundoi Spanjën për gati 40 vjet.

Ai ka shfrytëzuar edhe një herë rastin t’u bëjë thirrje votuesve që të dalin dhe të mbështesin PP-në, në mënyrë që ai të formojë një “qeveri pa ndërmjetës”, duke iu referuar qartë Vox-it. /Telegrafi/