LAJMI I FUNDIT:

Falimentimi i Silicon Valley Bank, amerikanët kundër shpëtimit të institucioneve financiare me paratë e taksapaguesve

Falimentimi i Silicon Valley Bank, amerikanët kundër shpëtimit të institucioneve financiare me paratë e taksapaguesve

Shumica e amerikanëve – pavarësisht nga prirja politike – nuk pajtohen që taksapaguesit amerikanë të mbajnë barrën e menaxhimit të keq që sjell dështimin e një banke, megjithëse kundërshtimi republikan ndaj ndihmave për bankat është zbutur gjatë dekadës së fundit, thuhet në sondazhin më të ri Reuters/Ipsos.

Rezultatet e sondazhit lënë të kuptohet se administrata e presidentit demokrat Joe Biden mund të përballet me një problem politik, nëse shenjat e luhatjeve në sektorin bankar të SHBA-së përkeqësohen dhe nxisin veprime më agresive të qeverisë.


Sondazhi zbuloi se 84 për qind e të anketuarve – përfshirë një shumicë të konsiderueshme të republikanëve dhe demokratëve – mendojnë se taksapaguesit nuk duhet të paguajnë për të zgjidhur problemet e shkaktuara nga menaxhimi i papërgjegjshëm i bankave.

Tregjet e aksioneve janë tronditur në mbarë botën që kur Silicon Valley Bank falimentoi pasi klientët e shqetësuar tërhoqën depozitat e tyre. Dy ditë më pas, Signature Bank u mbyll. Të mërkurën, stoqet në bursë ranë ndjeshëm pasi luhatjet në gjigantin bankar zviceran Credit Suisse ringjallën frikën për një krizë të re bankare.

Bankat kanë qenë në vështirësi muajt e fundit nga rritja e normave të interesit, të cilat reduktojnë kërkesën për huamarrje. Banka Qendrore e Amerikës (FED), ka rritur vazhdimisht normat e interesit gjatë vitit të kaluar në një përpjekje për të zbutur inflacionin.

Rezerva Federale kritikohet për mungesën e vëmendjes përpara falimentimit të Silicon Valley Bank
Lexo po ashtu Rezerva Federale kritikohet për mungesën e vëmendjes përpara falimentimit të Silicon Valley Bank

Vetëm 49 për qind e amerikanëve – 40 për qind e republikanëve dhe 55 për qind e demokratëve – thanë se favorizonin paketat e shpëtimit të institucioneve financiare nga qeveria.

Megjithatë, mbështetja për paketat e shpëtimit ishte edhe më e ulët një dekadë më parë, kur Shtetet e Bashkuara po dilnin nga një krizë financiare, të cilën qeveria e luftoi duke shpenzuar qindra miliarda dollarë për paketat e shpëtimit të bankave. Në një sondazh të Reuters/Ipsos të vitit 2012, vetëm 20 për qind e republikanëve dhe 53 për qind e demokratëve thanë në atë kohë se mbështesin paketat e shpëtimit.

Rreth gjysma e të anketuarve në sondazhin thanë se kishin dëgjuar për falimentimin e bankës Silicon Valley.

Sondazhi tregoi mbështetje të gjerë për mbrojtjen nga Washingtoni të depozitave bankare. Shtatëdhjetë e tetë përqind e të anketuarve thanë se qeveria duhet të garantojë depozitat e individëve dhe 70 për qind thanë se Uashingtoni duhet mbrojë depozitat e kompanive.

A po vjen një krizë e re financiare në botë - Credit Suisse mund të merr një ndihmë prej bankës qendrore zvicerane
Lexo po ashtu A po vjen një krizë e re financiare në botë - Credit Suisse mund të merr një ndihmë prej bankës qendrore zvicerane

Por një shumicë e fortë dypartiake tha gjithashtu se depozituesit në banka duhet të kuptojnë rrezikun e përdorimit të një banke për të bërë depozita jashtë kufijve të shumës së siguruar.

Disa ekspertë thonë se garancitë më të gjera të depozitave që rregullatorët po aplikojnë për bankat me probleme janë në fakt një paketë shpëtimi sepse i bëjnë njerëzit më pak të prirur për të marrë masa për t’u mbrojtur nga rreziku financiar.

Sondazhi i Reuters/Ipsos, i kryer në internet, anketoi 1,004 njerëz në mbarë vendin. /VoA/

Në trend Ekonomi

Më shumë
Kush përfiton nga ulja e çmimit të energjisë elektrike?

Kush përfiton nga ulja e çmimit të energjisë elektrike?

Ekonomi
Murati: Pas lansimit të masës së punësimit në katër komunat në veri, u punësuan 66 persona

Murati: Pas lansimit të masës së punësimit në katër komunat në veri, u punësuan 66 persona

Ekonomi
Me datën 16 prill 2024 hapen panairet tradicionale në sallën 1 Tetori në Prishtinë

Me datën 16 prill 2024 hapen panairet tradicionale në sallën 1 Tetori në Prishtinë

Ekonomi
10 Vjet Provit - Një dekadë e zhvillimit dhe inovacionit në botën e fitnesit

10 Vjet Provit - Një dekadë e zhvillimit dhe inovacionit në botën e fitnesit

provit
Fortesa Home feston 33-vjetorin: Mbi 300 produkte në zbritje!

Fortesa Home feston 33-vjetorin: Mbi 300 produkte në zbritje!

Fortesa Home
Pse duhet ta kemi një plan të komunikimit në rast se ballafaqohemi me kriza?

Pse duhet ta kemi një plan të komunikimit në rast se ballafaqohemi me kriza?

Sherife Kçiku Vishaj
Kalo në kategori