LAJMI I FUNDIT:

A po vjen një krizë e re financiare në botë – Credit Suisse mund të merr një ndihmë prej bankës qendrore zvicerane

A po vjen një krizë e re financiare në botë – Credit Suisse mund të merr një ndihmë prej bankës qendrore zvicerane

Rregullatorët zviceranë kanë thënë se janë të gatshëm ta ndihmojnë gjigantin bankar Credit Suisse “nëse është e nevojshme”, duke thënë se banka nuk është në rrezik.

Deklarata erdhi pasi aksionet në bankë ranë për 24 për qind, i cili është një nivel rekord i ulët.

Investitorët janë të shqetësuar se si banka, e rrethuar nga problemet, do të trajtojë pasojat nga dështimet e bankave amerikane.

Silicon Valley Bank: Pse kolapsoi dhe a është ky fillimi i një krize bankare?
Lexo po ashtu Silicon Valley Bank: Pse kolapsoi dhe a është ky fillimi i një krize bankare?

Këto shqetësime nxitën shitjen e shumë aksioneve bankare, raporton bbc.

Banka Kombëtare Zvicerane (SNB) dhe Autoriteti Zviceran i Mbikëqyrjes së Tregut Financiar përmes një deklarate të përbashkët pohuan se rregullat strikte të zbatuara prej institucioneve financiare zvicerane “sigurojnë stabilitetin e tyre”.

“Problemet e disa bankave në SHBA nuk paraqesin rrezik të drejtpërdrejtë për tregjet financiare zvicerane”, thanë rregullatorët.

“Credit Suisse plotëson kërkesat e kapitalit dhe likuiditetit të vendosura për bankat me rëndësi. Nëse është e nevojshme, SNB do t’i sigurojë [Credit Suisse] likuiditet”, pohuan më tutje ata.

Ndryshe, problemet në sektorin amerikan bankar filluan javën e kaluar me felimentimin e Silicon Valley Bank, banka e 16-të më e madhe në vend.

Banka – e specializuar në kreditimin e kompanive të teknologjisë – u mbyll nga rregullatorët amerikanë të premten në atë që ishte dështimi më i madh i një banke amerikane që nga viti 2008. /Telegrafi/