Prodhimi i energjisë së ripërtërishme do të përbëjë 80 për qind të prodhimit botëror të energjisë elektrike në vitin 2050. Kështu thuhet në raportin pasqyrues të tranzicionit të energjisë, publikuar nga kompania norvegjeze e sigurimit të cilësisë dhe menaxhimit të rrezikut DNV GL,

Raporti tregon se qymyri, nafta dhe gazi nuk do të jenë më dominues në furnizimin botëror të energjisë primare deri në këtë vit, përcjell Telegrafi.

Panelet diellore, mullinjtë me erë në tokë, hidroenergjia dhe fermat e erës në det do të përbëjnë pjesën më të madhe të prodhimit botëror të energjisë elektrike në mes të shekullit aktual.

Gjithashtu, në raport tregohet se panelet diellore dhe fermat e erës do të rriten me shpejtësi, duke arritur shpërndarjen prej 40 dhe 29 për qind. /Telegrafi/