Emma Roberts raportohet se është bërë nënë pak para Vitit të Ri.

Reklama

Aktorja dhe këngëtarja ka mirëpritur fëmijën e parë me të dashurin Garret Hedlund, 36 vjeçar, sipas disa raportimeve të hënën.

Ylli i “Holidate”, 29 vjeçe, ka mirëpritur djalin Rhodes të dielën më 27 dhjetor në Los Angeles, sipas TMZ.

Emma Roberts (Foto: Getty Images)

Gjithashtu, është raportuar se dyshja janë në gjendje të mirë shëndetësore.

Performuesja e “Scream Queens” ka konfirmuar shtatzëninë me aktorin e “Mudbound” në gusht, në një status të publikuar në rrjete sociale.

Roberts dhe Hedlund ndërkohë kanë filluar të takohen me njëri-tjetrin që nga marsi i vitit 2019.

Reklama

Foto: Backgrid

Mbesa e Julia Roberts vuante nga sëmundja e Endometriozës dhe për këtë ishte e shqetësuar nëse do mund të kishte fëmijë.

Reklama

Aktorja e “We’re the Millers” në një intervistë për Cosmopolitan në nëntor deklaroi se duhej të ngrinte vezët për t’u siguruar që ajo do të ishte në gjendje të kishte fëmijë në të ardhmen.

“Unë gjithashtu u tmerrova”, ka thënë Roberts. “Vetëm vendimi për ta kaluar atë dhe për të zbuluar, ndoshta, se nuk do isha në gjendje të kisha fëmijë”. /Telegrafi/

Foto: Instagram