Kancelarja gjermane Angela Merkel dhe presidenti i Francës, Emmanuel Macron, tashmë kanë filluar përgatitjet për Samitin e Parisit. Të hënën në Prishtinë do të zbarkojë një delegacion i lartë gjerman e francez, të cilët do të takohen me kryeministrin e Republikës së Kosovës, Ramush Haradinaj, kreun e Kuvendit, Kadri Veselin dhe dy udhëheqësit e ekipit negociator, Shpend Ahmetin dhe Fatmir Limajn.
Sipas burimeve diplomatike në Kosovë me 3 qershor do të vijnë Alexandre Adam – këshilltar për Evropën i presidentit të Francës, Emmanuel Macron dhe kreu i Misionit për Ballkan dhe Evropë nga Ministria e Punëve të Jashtme të Francës, Thomas Bertin.
Bashkë me delegacionin francez, do të vijnë edhe dy zyrtarë të lartë gjerman, Matthias Luttenberg, kreu i departamentit për Marrëdhënie Bilaterale për Evropë Jugore dhe Lindje të Mesme nga zyra e kancelares gjermane, Angela Merkel dhe Chrstian Hellbach, i dërguar i posaçëm për Evropën Juglindore nga Ministria e Punëve të Jashtme të Gjermanisë, shkruan Gazeta Express.
Ky delegacion franko-gjerman, siç mësohet nga gazeta nuk do të takohet fare me presidentin e Kosovës, Hashim Thaçin.
Në këto takime që do të zhvillohen në Prishtinë të hënën, do të diskutohet për dialogun ndërmjet Kosovës dhe Serbisë, që do të provohet të riniset në Samitin e Parisit në Francë që do të mbahet me 1 korrik të këtij viti.
Samiti i Parisit është një vazhdimësi i takimit të mbajtur në Berlin, megjithatë në Francë me ndërmjetësimin e kancelares Merkel dhe presidentit Macron, do të ketë një takim vetëm ndërmjet Kosovës dhe Serbisë, pa praninë e ndonjë shteti tjetër.
Përveç presidentit Thaçi dhe kryeministrit Haradinaj, në Paris do të udhëtojnë edhe dy krerët e delegacionit kosovar, Fatmir Limaj e Shpend Ahmeti.
Ndërkohë Haradinaj përpara se të udhëtojë për në Samitin e Parisit, do të takohet me 6 qershor në Berlin me kancelaren gjermane Angela Merkel. Temë kyçe e këtij takimi do të jetë dialogu ndërmjet Kosovës dhe Serbisë, ndërkohë do të diskutohet edhe për raportet bilaterale Gjermani-Kosovë.
Në Samitin e Parisit, në tavolinën e dialogut nuk do të jetë tema e korrigjimit të kufijve dhe shkëmbimit të territoreve, që u bë publike në Forumin e Alpbact në Austri në fundvitin e kaluar, nga presidenti i Serbisë, Aleksander Vuçiq, dhe presidenti i Kosovës, Hashim Thaçi.
Deputet të CDU-së së kancealres gjermane, pas përfundimit të Samitit në Gjermani, janë shprehur të lumtur që ideja për prekje të kufijve kishte marrë fund, dhe se në Paris, palët do të diskutonin pa një ide të tillë të rrezikshme në tavolinë.
E kryeministri Ramush Haradinaj, teksa ka komentuar inicaitivën gjermano-franceze, pas Samitit të Berlinit, kishte thënë se tashmë nuk do të ketë dialog të Mogherinit dhe se bisedimet Prishtinë-Beograd i kanë në dorë kancealrja gjermane, Angela Merkel, dhe preisdneti i Francës, Emmanuel Macron.
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
AGK reagon ndaj shpërndarjes së numrit të gazetares nga grupi “Albkings”
Zyrtare: Kosova aktualisht nuk është në agjendën e mbledhjes së Komitetit të Ministrave të Këshillit të Evropës
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'