Emily Ratajkowski thuhet se po ndahet nga bashkëshorti mes pretendimeve se ai e ka tradhtuar

Emily Ratajkowski thuhet se po përgatitet të divorcohet nga burri i saj prej katër vitesh, Sebastian Bear-McClard, pasi ai dyshohet se e tradhtoi.

Një burim i tha Page Six të premten se producenti i filmit, 41 vjeç, është një ‘mashtrues serial’: ‘Po, ai mashtroi. Ai është një mashtrues serial. Eshte e shpifur. Ai është një qen.

Megjithëse nuk ka dokumente të paraqitura në sistemin gjyqësor, modelja 31-vjeçare – e cila ka djalin njëvjeçar, Sylvester Apollo Bear me Sebastian – së fundmi është parë pa unazën e saj të martesës.

Ylli u pa në një shëtitje në New York të premten (15 korrik). Ajo kishte veshur një bluzë të bardhë që tregonte barkun e saj të tonifikuar, së bashku me një palë xhinse të kaltra.

Ratajkowski ndezi thashethemet e ndarjes të enjten, kur ajo u pa duke shkuar për një shëtitje tjetër një ditë më parë me djalin e çiftit dhe sërish nuk e mbante unazën e saj të martesës.

Themeluesja e “Inamorata” dhe Sebastiani u martuan gjatë një ceremonie civile në New York më 23 shkurt 2018, me vetëm disa miq si dëshmitarë, shkruan DailyMail.

Dy vjet e gjysmë më vonë çifti njoftoi se ishin në pritje të një fëmije. Ata mirëpritën djalin e tyre më tetë mars 2021.

Bear-McClard njihet më së shumti për prodhimin e disa filmave të drejtuar nga vëllezërit Benny dhe Josh Safdie, duke përfshirë “Heaven Knows What”, filmin kriminal me protagonist Robert Pattinson, “Good Time” dhe ‘traileri’-in e vlerësuar nga kritikët “Uncut” Gems të Adam Sandler.

Modelja është shfaqur pa unazën e saj të martesës disa herë kohët e fundit, duke përfshirë videon e saj të fundit në TikTok, ku shihet duke kërcyer me një bluzë të bardhë dhe pantallona të shkurtra xhins.

Bukuroshja brune ka publikuar së fundmi edhe një ‘selfie’ që i tregonte të dyja duart ku gjithashtu nuk u pa asnjë unazë martese.

Ylli nuk postoi asnjë urim publik për Ditën e Babait për bashkëshortin e saj prej katër vitesh muajin e kaluar, megjithëse ajo shënoi përvjetorin e katërt të martesës në Instagram në shkurt.

Ndërkohë Bear-McClard u pa duke mbajtur ende unazën e artë në gisht, ndërsa ai u pa i ulur në një stol jashtë pikës së të famshmëve, Cafe Cluny, në New York të mërkurën.

Ratajkowski shfaqi për herë të parë unazën e saj masive të fejesës në korrik të vitit 2018, duke postuar fotografi të ndryshme të saj në Instagramin e saj.

Emily dhe Sebastian u panë së bashku për herë të fundit në mes të qershorit, ndërsa ishin me pushime në Itali, dhe u shfaqën me humor të mirë teksa pushonin së bashku në plazhin e Porto Ercole.

As Emily dhe as bashkëshorti i saj nuk kanë bërë ende asnjë koment publik në lidhje me statusin e martesës së tyre deri më tani. /Telegrafi/