Artistja e madhe shqiptare, Eliza Dushku, po shijon ditët më të mira të shtatzënisë.

Ajo dhe bashkëshorti i saj, Peter Palandjian, do të bëhen së shpejti prindër për herë të parë.

Eliza Dushku dhe bashkëshorti i saj Peter Palandjian (Foto: Dominik Bindl/Getty Images/Guliver)

Aktorja nuk e ka zbuluar ende gjininë e foshnjës, teksa edhe fotografitë që ajo ka publikuar gjatë shtatzënisë kanë qenë të pakta.

Së fundmi, Eliza bëri një përjashtim duke ndarë me fansat fotografinë e saj të parë gjatë pritjes së ëmbël.

Kush është Eliza Dushku? Karriera dhe të vërtetat e hidhura nga jeta e aktores me famë botërore që i bëri krenarë shqiptarët Kush është Eliza Dushku? Karriera dhe të vërtetat e hidhura nga jeta e aktores me famë botërore që i bëri krenarë shqiptarët

Këtë imazh, aktorja me famë botërore, e ka realizuar në stadiumin e një ndeshje bejsbolli, e cila po zhvillohej të premten.

“E para”, ka shkruar ajo në mbishkrimin e fotografisë, duke bërë kështu të ditur të parën fotografi të sajën me barkun e rrumbullakosur.

Ndërkohë, urimet dhe komplimentet e shumta nga fansat në hapësirën për komente nuk kanë munguar. /Telegrafi/

Eliza Dushku (Foto: Andrew Toth/Getty Images/Guliver)