Eliza Dushku me ngjarje bamirësie në Harvard pas tragjedisë në Shqipëri

Banorët e Bostonit dhe studentët përreth do kenë mundësinë të kontribuojnë për të ndihmuar Shqipërinë pas tërmetit me një shfaqje të filmit dokumentar të Eliza Dushkut “Dear Albania” në Universitetin e Harvardit këtë të premte.

Tërmeti i 26 nëntorit që goditi trojet shqiptare la mbi 51 njerëz të vrarë dhe qindra të tjerë të plagosur.

Në një postim në rrjetin social, Instagram, Eliza ndau mendimet e saj pas tërmetit, “Të gjithëve të prekur nga ky tërmet shkatërrues, ne po dërgojmë dashurinë dhe lutjet tona dhe mbledhjen e ndihmave, menjëherë”.

Shfaqja është falas, por dhurimet me para dhe çek do të pranohen. Fondet do të shkojnë drejtpërdrejt ndaj individëve të prekur nga tërmeti ose organizata jofitimprurëse që punojnë për t’i ndihmuar ata.

Lexo po ashtu Të gjitha lajmet nga Eliza Dushku

Shfaqja mbahet të premten, 6 dhjetor 2019 në 7:00 pasdite në Auditoriumin Tsai në Qendrën për Qeverisje dhe Studime Ndërkombëtare – në Universitetin Harvard.

Ky event është bashkë-organizuar nga Shoqata e Studentëve Shqiptarë të Harvard.

View this post on Instagram

Shqiperia, te dua ♥️ To everyone affected by this devastating earthquake, we are sending all of our love & prayers & gathering assistance, right away… stay strong. We are with you 🙏 #albania 🇦🇱

A post shared by Official Eliza Dushku (@elizadushku) on Nov 27, 2019 at 6:31am PST

Informacioni mbi biletat është shpërndarë në faqet e Eliza Dushkut dhe në një Eventbrite. /Telegrafi/