Ekziston mundësia që Greenwood të rikthehet tek Manchester United, por vetëm nëse nuk plotësohet ky kusht
Manchester United nuk e ka përjashtuar mundësinë e rikthimit të Mason Greenwood në ekip këtë verë, sipas një raportimi të ri.
The Times ka raportuar se United po shpreson të përfitojë një shumë të mirë parash nga Greenwoodi gjatë afatit kalimtar veror, por mund ta mbajnë atë në skuadër në rast se nuk marrin ndonjë ofertë të arsyeshme për 22-vjeçarin.
Greenwood nuk ka luajtur për United që nga 2022, kur atëherë u akuzua për tentativë dhunimi, sjellje kontrolluese dhe sulm.
Shërbimi i Prokurorisë eventualisht më pas hodhi poshtë këto akuza në shkurt të vitit 2023, pasi dëshmitarja e rastit u tërhoq mbrapa dhe dëshmi të reja u hodhën në dritë.
Reprezentuesi anglez që atëherë ka shënuar 10 gola dhe ka dhuruar gjashtë asistime në 31 paraqitje, dhe sipas disa publikimeve të ndryshme, ai ka tërhequr interesimin e disa klubeve të mëdha.
Njëra prej klubeve të interesuara thuhet se është Juventusi, me ‘Zonjën e Vjetër’ që e ka bërë Greenwoodin njërin prej objektivave të tyre kryesor.
Greenwood ka edhe një vit të mbetur në kontratën e tij me Unitedin, por klubi e ka mundësinë që ta zgjasë atë edhe për një vit.
Mbetet të shihet nëse Juventusi apo nddonjë klub tjetër do të paguajë çmimin e kërkuar nga Unitedi për të transferuar Greenwoodin. Në rast se asnjë klub nuk plotëson kërkesat e tyre financiare, atëherë ‘Djajtë e Kuq’ me shumë mundësi do ta mbajnë atë në ekip./Telegrafi/
Promo
Reklamo këtuLufta Prigozhin - Putin
Më shumëNga Rubrika
Man City çuditërisht po e shet një top yll që luan në ekipin e parë – Fabrizio Romano publikon detajet
Marcus Rashford thyen heshtjen me një koment befasues pasi u la jashtë listës për Euro 2024
Laura Fazliu fiton medaljen e bronztë në Kampionatin Botëror
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251