Ekipi i CS:GO Godsent e ka vendosur në stol lojtarin e tyre ‘felps’

Joao “⁠felps⁠” Vasconcellos do të jetë jashtë aksionit për disa muaj për shkak të arsyeve personale.

Ekipi i Godsent ka njoftuar për largimin e ‘felps’ nga formacioni aktiv i tyre, që siç duket arsyeja kryesore janë problemet e tij personale dhe shëndetësore, këtë e ka konfirmuar edhe vet ai.

Lojtari, i cili i ishte bashkuar ekipit me lojtarët e tjerë para një viti, siç duket i duhet të qëndrojë jashtë aksionit për një kohë të pacaktuar.

ALWAYS A GOD.

For personal reasons and in a joint decision, @felperaa was moved to the reserve bench of our main line.

We wish everything to be settled as soon as possible, so that you can shine again, Felpera ❤️ pic.twitter.com/8Mm7vc9RzN

— GODSENT (@GODSENT) March 15, 2022

Skuadra braziliane, e 23-ta në renditjen botërore, kohët e fundit nuk ka shfaqur rezultate edhe aq të mira, ku së fundmi nuk kanë arritur që të kualifikohen për në fazën tjetër të PGL Major Antwerp Amerika RMR.

Ekipi i GODSENT është pjesë e turneut të ESL PRO League në Gjermani për momentin, kurse ndeshjen e parë do ta zhvillojnë kundër ekipit Movistar Riders me datën 23 mars, ku ekipi do të luajë në mungesën e ‘felps’.

Në vend të tij, në rolin e zëvendësuesit sipas dust2.us do të vijë lojtari brazilian Henrique “⁠HEN1⁠” Teles, por kjo ende nuk është konfirmuar nga ekipi.

GODSENT për momentin ka këtë përbërje:

Epitacio “TACO⁠” nga Melo
Eduardo “⁠dumau⁠” Wolkmer
Bruno “⁠latto⁠” Rebelatto
Bruno “⁠b4rtiN⁠” Câmara

/Telegrafi/