Pas bashkëpunimit të suksesshëm me yllin botëror, Justin Bieber  me “I don’t care”, Ed Sheeran ka lansuar edhe një projekt të ri. 

Ai këtë herë ka bashkëpunuar me Chance The Rapper dhe PnB Rock, kënga e të cilëve titullohet “Cross me”. Edhe pse nuk është i shoqëruar me klip, këtij projekti ia kanë bashkangjitur një video mjaft atraktive.

Kjo këngë tashmë është publikuar në të gjitha platformat muzikore dhe ka marrë reagime pozitive nga fansat e shumtë të tij.

Theksojmë se Sheeran është një nga emrat më të mëdhenj të tanishëm në skenën muzikore botërore.

Vitin që lamë pas ai ishte renditur si një prej artistëve me më së shumti fitime gjatë vitit 2018.

Falë turneut të tij muzikor, Sheeran mori mbi 432 milionë dollarë brenda vitit, ndonëse nuk publikoi asnjë këngë të re. E gjithë kjo erdhi nga suksesi i albumit “Divide” të cilin artisti e solli për fansat në vitin 2017, me plot këngë të reja të cilat u shndërruan në hite. /Telegrafi/