0Shares

Një mjek britanik ka arritur ta godas me grusht në  hundë një peshkaqen të bardhë tri metra, duke i ikur kështu dhëmbëve të tij të mprehtë derisa ishte duke bërë “surf” në Australi.

Charlie Fry 25-vjeç ka pësuar vetëm disa plagë të lehta sipërfaqësore në krahun e djathtë nga sulmi i peshkaqenit në plazhin Avoka, që është rreth 90 kilometra në veri të Sydney-it, transmeton Telegrafi.

Fry ka pranuar se si fillimisht kishte menduar se miqtë e tij po tallen, por pas disa sekondave e kuptoi se rreth tij po sillej një peshkaqen dhe iu kujtua se duhet të mbrohet me grushta.

Ideja që të mbrohet me grushta nga peshkaqeni, i kishte ardhur pasi së fundmi kishte shikuar një video të vitit 2015, ku “surfisti” australian Mick Fenning kishte treguar se si e ka goditur me grusht një peshkaqen, duke e detyruar të ikë nga ai.

“Kur më ndodhi e njëjta gjë thash me vete ‘duhet të veproj njëjtë sikurse Mick’. Thjesht e kam goditur me grusht në hundë, kurse për këtë duhet të falënderoj Mike. Faleminderit shumë”, ka deklaruar Fry.

Në ato momente të vështira ai ishte në plazhin Avoka, 90 kilometra në veri të Sydney.

“Isha duke notuar kur papritmas ndjeva një goditje të fortë në anën e djathtë. Thjesht më është afruar pa e ndjerë. Mendova se ndonjë prej shokëve të mi po tallej me mua. Ktheva kokën dhe pashë peshkaqenin duke dalur nga uji dhe sillte kokën. Pa u menduar dy herë e godita në hundë me dorën e majtë dhe arrita t’i ikë”, ka shtuar ai.

Ai pranoi se nuk e kishte ndjerë fare kafshimin dhe dorën e larë në gjak, derisa kishte dalur nga uji. /Telegrafi/

Të Ngjajshme
Shfaq Komentet (0)