E pranoi se me Anthony Taylor kishin bërë skandal në ndeshjen Chelsea-Tottenham, Mike Dean ndryshon tani deklaratën

Mike Dean ka thënë se është keqkuptuar kur ka thënë se e ka shok Anthony Taylorin dhe nuk ka dashur ta dëmtojë atë kur nuk mori vendim që ta thërriste nga VAR-i për një incident në ndeshjes mes Chelseat dhe Tottenhamit në gushtin e vitit të kaluar.

Ish-arbitri nuk pranoi ta thërriste kolegun e tij për të shikuar në monitorin e VAR-it në afërsi të fushës, derisa Blutë ishin duke fituar 2-1 ndaj Spurs, para se Harry Kane të barazonte më vonë, derisa Cristian Romero i Spurs e tërhoqi nga flokët Marc Cucurellan në zonën e penalltisë.

Dean foli për vendimin e tij në podcastin Up Front të Simon Jordan në fillim të kësaj jave dhe pranoi: “Nuk doja ta thërrisja atë (Taylorin) në ekranin e VAR-it sepse ai është një shok si dhe një arbitër dhe mendoj se kam bërë gabim”.

Komentet e Dean kanë ndezur polemika, megjithëse ai ishte i prirur të sqaronte situatën kur u shfaq një tjetër emision.

“Ajo që ndodhi ishte se unë e kam parë incidentin, e kam parë në shumë raste, ndoshta shumë herë”, filloi Dean. “Po ai i ka shkulur flokët, a ishte një akt i dhunshëm? Ndoshta jo, por ai nuk duhet t’i shkulë flokët. Ndoshta duhet ta kisha ftuar Anthonyn për te ekrani”.

I pyetur në lidhje me referencën e tij për Taylorin si “shok”, Dean u përgjigj: “Është qesharake, këtu është nxjerrë jashtë kontekstit. Ajo që kam thënë ka qenë atje në raportime të ndryshme lajmesh më parë rreth katër-pesë muaj më parë, kështu që është jo lajm i ri”.

“Unë iu referova atij si shok, u thashë djemve (në studion e Sky Sports) më parë, ajo që duhet të shikoni në kontekst është se mund të mos ju pëlqejnë disa djem në grupin tuaj të arbitrave, por kur ju drejtoni një lojë në një fundjavë, jeni katër prej jush në mes, ka VAR dhe AVR, janë gjashtë persona, dhe ata janë shokët tuaj për atë ditë”.

“Ju mund të luani në një ekip profesionist prej 11 lojtarësh dhe mund të mos ju pëlqejnë tre ose katër prej tyre – por në orën tre të një të shtune pasdite ata janë shokët tuaj dhe ju dëshironi që shokët tuaj të bëjnë mirë, kështu që ‘shoku’ gjëja ka dalë jashtë proporcionit”.

“Dua ta mbështes arbitrin sa më shumë që të mundem dhe këtë e bëni ju si VAR. Po, gabova, duhet ta kisha thirru për në VAR, por të them që nuk e kam bërë sepse ai është shok është një farsë absolute. E gjithë kjo është e papranueshme për të qenë i sinqertë me ju. Thjesht njerëz që përpiqen të bëjnë një histori”, ka shtuar më tej ai.

Dean pranoi në intervistën e tij fillestare me Jordanin se vendimi i tij për të mos e thirrur Taylorin në monitor ishte “patetik”, por ai tani ka elaboruar mendimin e tij pas mosbërjes së një gjëje të tillë. /Telegrafi/

Former referee Mike Dean addresses the controversy surrounding his recent comments on the decision not to send Anthony Taylor to the VAR monitor in last season's 2-2 draw between Tottenham and Chelsea 🗣️ pic.twitter.com/EQiYp8lkXk

— Sky Sports News (@SkySportsNews) August 26, 2023