Dy mbrojtës shqiptarë janë përfshirë në formacionin më të mirë të javës së 22-të të Superligës kroate të njohur si 1. HNL.

Bëhet fjalë për Amir Rrahmanin, pjesë e Kosovës, dhe Ardian Ismajli, pjesë e Shqipërisë.

Rrahmani shënoi gol në fitoren 3-0 ndaj Osijekut të Kristal Abazajt.

I dyti vijon me paraqitjet të mira te Hajduku i Splitit, ku është rikthyer nga lëndimi dhe në dy ndeshjet e fundit nuk është zëvendësuar asnjëherë.

Mediat kroate kanë dhënë dhe arsyet pse dyshja janë në formacion.

“Dinamo ishte mjaft aktive kundër Osijek (3-0) në të majtë të mbrojtjes. Ditë e shënuar për mbrojtësin e Kosovës. Nga fusha ku shënoi gol, në festën e ditëlindjes së tij të 24-t. Rrahmani shënoi me kokë”, shkruajnë mediat kroate.

Sa i përket Ardian Ismajli ata e kanë vlerësuar paraqitjen dhe neutralizimin e sulmuesve kundërshtarë.

“Një tjetër performancë e cilësisë së lartë të lojtarit të kombëtares shqiptare në barazim kundër Gorica (0-0). Ai u paraqit mjaft mirë, duke dyluftuar me Lukasz Zwolinsky, dhe më vonë me Cherif Ndiaye, i cili nuk pati ndonjë rast”, shkruhet për Ismjalin.

Dyshja janë produkt i futbollit të Kosoës pasi karrierën e kanë nisur në klube se Ramiz Sadiku dhe 2 Korriku. /Telegrafi/