Duket e çuditshme, por ja pse ndoshta keni pasur një “sulm lumturie” para gjumit
Sa nga ju e përjetojnë atë momentin tipik, kur pas një dite të lodhshme dhe të ngarkuar me punë, ju strukeni në çarçafët e bardhë të krevatit, për t’u ndjerë ngrohtë dhe rehat, pasi ndiheni thjesht të rraskapitur
Ndjenja e lehtësimit shkon përtej këtij perceptimi, që ekspertët e quajnë “sulm lumturie” dhe është një nga trendet e fundit që po qarkullon në TikTok.
Në fakt, është diçka e lezetshme të mendosh sesa njerëz përjetojnë një sulm të tillë kur shtrihen në shtrat, por çfarë e shkakton atë dhe pse ne të gjithë e bëjmë?
Ekspertja e gjumit, Shelby Harris, njëherësh drejtoreshë e një linje të dedikuar për këto çështje, tregon se një sulm lumturie është një ndjenjë gëzimi që ju pushton kur shkoni në shtrat.
Duket e çuditshme të kesh një reagim të tillë, por ka një shpjegim të thjeshtë: “Të kesh një ‘sulm lumturie’ ose të ndihesh vërtet i/e lumtur kur shkon në shtrat në fund të ditës ndodh sepse më në fund është koha për t’u qetësuar. Pra, mbaroi zyrtarisht dita dhe është koha për t’u çlodhur,” thotë ajo për Bustle.
Shtrati jep një ndjenjë sigurie dhe kjo mund të shtojë edhe doza kënaqësie, veçanërisht nëse keni qenë të stresuar. “Është një koncept personal, por i ndjerë nga shumë njerëz, se koha e gjumit është e barabartë me lumturinë dhe relaksin”, thotë Harris.
Në TikTok, shumë njerëz thonë se përjetojnë sulme më të forta lumturie edhe kur janë keq nga ana shpirtërore. Sulmet e lumturisë mund të jenë të forta pasi keni një ditë të ngarkuar, kështu që nëse ndodh që të flini më mirë atë natë, mund të jetë vetëm sepse keni qenë vërtet të rraskapitur.
A është kjo vërtet një përvojë universale?
Është e vështirë të thuhet nëse të gjithë përjetojnë apo jo sulme lumturie, apo nëse të gjithë i përjetojnë në të njëjtën mënyrë, por sipas Harris, shumë njerëz mund të lidhen me ndjenjën e lehtësimit që vjen me të shkuarit në shtrat pas një dite të gjatë plot angazhime., citon Anabel.
Ashtu si shumë nga përvojat që nxjerr TikTok, kur zbulon se nuk je i/e vetmja që buzëqesh dhe rrotullohesh në shtrat e lehtësuar, kjo është një ndjesi që duket se të lidh me shumë persona të tjerë të huaj virtualisht. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës