Gjatë ditës së hënë, Drita do ta zhvillojë seancën e fundit stërvitore, para ndeshjes së madhe në Ligën e Kampionëve.

Kampioni i Kosovës është nikoqir i klubit të njohur suedez, Malmo, në ndeshjen e raundit të parë kualifikues të garës më të madhe evropiane për klube.

Federata e Futbollit të Kosovës ka njoftuar se ekipi gjilanas do të mbajë stërvitje në “Adem Jashari”, ndërkohë që skuadra mysafire nuk do të bëjë stërvitje në Kosovë.

Lajmet për DRITËN Lajmet për DRITËN

“Skuadra e Dritës do ta mbajë sonte në orën 20:00 stërvitjen e fundit para ndeshjes së rrethit të parë të Ligës së Kampionëve kundër Malmos, që zhvillohet të martën në orën 20:45”.

“Stërvitja e Dritës mbahet në Stadiumin Olimpik ‘Adem Jashari’ në Mitrovicë. Ndërkaq, skuadra e Malmos nuk do të mbajë fare stërvitje në Kosovë”, thuhet në njoftimin e FFK-së.

Kujtojmë që për të arritur në raundin e parë kualifikues, Drita regjistroi dy fitore të rëndësishme.

Ndërkaq, përballja kundër Malmos ka ngjallur interesim të madh te futbolldashësit në vendin tonë, të cilët pritet ta përcjellin me vëmendje këtë takim. /Telegrafi/