Drenica mposht kampionin

Drenica ka arritur të shënoj fitore 1-0 në ndeshjen hapëse të javës së 14-të në elitën e futbollit kosovar.

Rasti i parë në ndeshje i takoi mysafirëve, ku sulmuesi Chipuse goditi me kokë por topi shkoi skaj shtyllës.

Në minutën e 15-të, mbrojtësi i vendasve, Visar Berisha rrezikoi me kokë por përsëri pa sukses.

Oto John i mysafirëve pati dy raste të mira në pjesën e parë në minutat 25 dhe 28 por goditjet e tija ishin të pasakta.

Me rezultatin e barabartë 0-0 përfunduan 45 minutat e para të kësaj sfide.

Rastin e parë të rrezikshëm në pjesën e dytë e pati Hysen Tahiri i vendasve por goditja e tij nuk ishte e saktë.

Drenica golin e epërsisë e gjeti në minutën e 64-të, kur sulmuesi Genc Hamiti realizoi një gol të bukur për 1-0.

Trepça ’89 deri në fund të ndeshjes tentoi të barazoj rezultatin por një gjëje të tillë nuk ia arriti.

Pas kësaj fitore, Drenica mbetet përsëri në pozitën e nëntë me 18 pikë të tubuara.

Ndërkohë kampioni në fuqi i Kosovës, mbetet në pozitën e katërt me 21 pikë të grumbulluara.

Në ndeshjen e radhës, Drenica luan në udhëtim tek Prishtina, ndërsa 89-shi pret Vllazninë e Pozhoranit. /Telegrafi/