Drejtori i Përgjithshëm i ATK-së, Sakip Imeri ka marr pjesë në konferencën dy ditore të organizuar nga Banka Botërore- Taxgip, me temë: Sfidat e politikave dhe administrimit të TVSH-së, që u mbajt në Bukuresht të Rumanisë.
Qëllimi i kësaj konference ishte diskutimi i sfidave dhe çështjeve me prioritet, se ku qëndrojnë vendet e Evropës Lindore dhe Azisë Qendrore në fushën e tatimit vendor, tatimi ndërkombëtar, shkëmbimit të informatave, transparencës tatimore, ekonomisë joformale, kapacitetet e administrimit të tatimeve etj, si dhe mundësit e avancimit në këto fusha.
Drejtori Imeri, ishte pjesë e panelit në sesionin e dytë, me temën ”Praktikat e mira të dizajnimit të TVSH-së: lirimet, shkallët dhe pragjet e TVSH-së”, me ç‘rast, para të pranishmëve tha se TVSH-ja në Kosovë ka pasuar ndryshime ligjore, duke marr parasysh kërkesat e ekonomisë së tregut dhe nevojave të zhvillimit ekonomik. Ai theksoi se ndryshimet e bëra janë pjesë e reformave fiskale, të cilat janë përshtatur me direktivën e BE-së mbi TVSH-në.
Imeri tregoi deklarimi i TVSH-së në Kosovë bëhet në baza mujore dhe afati për të deklaruar është data 20 e muajit vijues. Pragu për tu regjistruar në TVSH nga shtatori 2015 është 30,000 euro qarkullim në vit dhe është obligativ për të gjitha bizneset që tejkalojnë këtë prag (para kësaj periudhe ka qenë 50,000 euro).
Ndërsa, normat e TVSH-së janë 0%, 8% dhe 18% ( deri në shtator 2015 ishte 0 dhe 16% ). Nga shtatori i vitit 2015 kemi filluar të aplikojmë ngarkesën e kundërt në sektorin e ndërtimtarisë, si një praktikë e mirë e treguar në vendet tjera.
Po ashtu, të pranishmit u njoftuan edhe për mundësin e kërkesës për rimbursim kur kreditimi i tatimpaguesve të regjistruar në TVSH ka tejkaluar shumën 3,000 euro pas tre muajve të vazhdueshëm, si dhe lirimet pa të drejtën e Kreditimit të TVSH-se dhe lirimet me të drejtën e zbritjes se TVSH-së.
Drejtori i ATK-së, gjithashtu ka pasur takime të veçanta edhe me përfaqësuesit e Bankës Botërore, si dhe me sekretarin ekzekutivë të Organizatës Ndërevropiane për Administratat Tatimore-IOTA Miguel Silva Pinto, me të cilin u dakorduan për bashkëpunim në të ardhmen, në ngritjen profesionale të kapaciteteve të ATK-së. /Telegrafi/
Lufta Prigozhin - Putin
Më shumëBëhu banor i kompleksit luksoz bregdetar “Holiday In 2” - Shëngjin
Veç edhe 3 ditë dhe shpallet fituesi i BMW-së Seria 3 nga GO+
GiFi hap dyqanin e ri në një lokacion fantastik
Çka është rregulla 30:30:30:10 kur bëhet fjalë për financat dhe si duhet ta shfrytëzoni?
E len kerrin e vogël, e merr kerrin e madh “00” dhe i’a mësyn rrugëve të gjata - Auto Mita
If Weekend me 11 dhe 12 Maj në CineStar Megaplex
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?