Djali i Violetë Kukajt debuton në muzikë dhe ngjitet në skenën e Festivalit të RTSh-së, dyshohet se tekstin e këngës ia ka dedikuar babait?

Të martën është mbajtur nata e parë e edicionit të 62-të të Festivalit të Këngës në Radio Televizionin Shqiptar.

Shumë artistë të njohru janë ngjitur në skenën e madhe të Pallatit të Kongreseve për të interpretuar live këngët e tyre pjesëmarrëse, shoqëruar nga orkestra simfonike e RTSh-së.

Në mesin e emrave të njohur, kishte edhe artistë të rinj që për herë të parë e prekin skenën e madhe të Festivalit të Këngës.

E një prej tyre është edhe këngëtari i ri Mal Retkoceri, i cili është djali i këngëtares së njohur shqiptare, Violetë Kukaj.

Mali konkurron sivjet me këngën “Çmendur”, e cila është një kompozim i tij dhe madje edhe tekstin e ka shkruar vet.

Megjithëse në intervistën pas festivalit për RTSh-në, Mali refuzoi të fliste në detaje për tekstin dhe dedikimin e këngës, ai thjesht u shpreh se përmes saj ka dashur që të shpreh perspektivën e një personi që e njeh nga afër.

View this post on Instagram

A post shared by Faqja zyrtare e RTSH (@rtshqiptar)

Telegrafi ka mësuar nga burime pranë këngëtarit se në fakt teksti i këngës është një dedikim mes rreshtash për babain e tij, i cili është ndarë nga bashkëshortja e tij këngëtare prej vitesh dhe divorci i tyre ka qenë një çështje mjaft e përfolur mediatike.

Sido që të jetë, ritmet e rrokut dhe veshja me fustanellë i dhanë një ngjyrë edhe më interesante performancës së tij në Festivalin e Këngës. /Telegrafi/