Dita ndërkombëtare e përqafimit

Sot është dita ndërkombëtare e përqafimit dhe lirish përqafoni të gjithë ata që doni dhe zbukurojani kështu ditën.

Ky kontakt i ngrohtë njerëzor ka një faktor shumë pozitiv psikik dhe fizik.

Edhe pas një dite shumë të vështirë, përqafimi me siguri se do të ju ndihmojë.

Ditën ndërkombëtare të përqafimit e shpalli më 1986 Kevin Zaborney, të cilin sot e quajnë edhe si ambasador i përqafimit.

Sivjet janë shpallur edhe njerëzit të cilët meritojnë më së shumti përqafime. Ndër ta është edhe Gloria A Mecca, e cila ka krijuar engjëj të vegjël të cilët ia përkujtojnë asaj djalin e ndjerë. E famshmja Ellen DeGeneres po ashtu është shpallur njëra ndër ta, pasi është e njohur si adhuruese e madhe e përqafimit.

Me rastin e kësaj dite, katër çifte kanë thyer rekordet botërore në përqafim. Këto çifte në Londër janë përqafuar për 24 orë dhe 44 minuta.

Pjesëmarrësit nuk kanë guxuar të hanin, uleshin dhe as flinin, kanë qenë të lejuar vetëm të kryejnë nevojat e tyre. Aktori komik Sanderson Jones theu rekordin me mikun e tij Mikey, duke thënë se kjo ka qenë një ditë e shkëlqyeshme për ta. /Telegrafi/