Disa nga shenjat dhe simptomat e para të kancerit të mëlçisë që mund të vihen re
Kanceri i mëlçisë konsiderohet si një nga sëmundjet më të shpeshta në botë, me rreth 900.000 viktima në vit. Prandaj nuk është keq ta zbuloni në kohë që trajtimi të jetë më i suksesshëm.
Ky lloj kanceri ndodh kur qelizat fillojnë të përhapen në mënyrë të pakontrolluar në pjesën e sipërme të djathtë të barkut. Ajo që është shqetësuese për njerëzit që kanë kancer të mëlçisë është se shumica e tyre nuk i ndjejnë simptomat e hershme që tregojnë këtë gjendje.
Prandaj, mjeku Ayman Saleh nga Fondacioni ‘Sidra Medicine Qatar’ tregon se cilat janë simptomat e para që mund të shihen në trup.
Doktori pohon se shumica e simptomave janë të zakonshme, por që ndonjëherë janë më të vështira për t’u zbuluar, sepse ndodhin edhe me kushte të tjera mjekësore. Këto janë: humbja e paqëllimshme e peshës, dhimbjet në pjesën e sipërme të barkut, veçanërisht në pjesën e djathtë të, si edhe ënjtja ose zmadhimi i barkut.
Përveç kësaj, Saleh vë në dukje shfaqjen e verdhëzës, lodhjen dhe dobësinë e vazhdueshme, të përzierat dhe të vjellat, urinën me ngjyrë më të errët dhe shfaqjen e të ashtuquajturave jashtëqitje të shkumëzuara.
“Kanceri i mëlçisë mund të prishë funksionimin normal të mëlçisë, duke ndikuar në aftësinë e saj për të përpunuar lëndët ushqyese dhe toksinat, gjë që mund të rezultojë në humbje peshe, humbje të oreksit, lodhje dhe dobësi”, shpjegon Dr Saleh.
Gjithashtu, kanceri i mëlçisë mund të bllokojë kanalet biliare, duke çuar në grumbullimin e mëtejshëm të bilës në mëlçi dhe në qarkullimin e gjakut, duke shkaktuar verdhëz, urinë më të errët dhe jashtëqitje të zbehtë. Prandaj, nëse vëreni shumicën e shenjave dhe simptomave të mësipërme, kërkoni ndihmë profesionale për të përcaktuar nëse është vërtet një sëmundje serioze. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur